الخميس، 16 يوليو 2009

سارة..نهى..

بنهاية هذه المرحلة .. تنتهي البداية.. وتنطلقون بعدها للحياة..

حياة أتمنى أن تملؤها بالتجارب الجديدة.. والضحكات العالية..والابتسامات..

انطلقوا لها..

فهناك الالاف من الوجوه لتلتقوها.. والمئات من البسمات لترسموها..

انطلقوا وعين الله ترعاكم..

مبروك النجاح ..

اختكم الكبيرة

سلوم

الثلاثاء، 21 أبريل 2009

وووهـ ياااقلبيــ تفشلللللللللللللللتــ ..

هاااااااااااايوو



كيفكمــ؟؟


هههههههــ ابقوولـ لكمـ اليووومـ شئ صااار ليـ و تفشلتـ مررررررهــ مرررررهــ مرررررررهــ ..



بعيد الاضحى اليـ راااحــ جاااو عندنااا اهلـ زوجهـ اخوياا

بعدينـ قاالتـ ليـ اميـ وديـ كااااسااتـ فيهاا مووويهـ لهمــ

رحتــ ماسكهـ الصحنـ وفيهـ الكااسااتـ

وانا ماااشيهـ قدااامهمــ بغيييتـ ازلقـ و فاصحن ارتج رجهـ قويهـ بغتـ تنكبـ الموويهــ

حسباااليـ ماااحد شاافنيــ ولااا تقولـ ليـ خاالهـ )( امـ زوجهـ اخوياا)( ][ بسمــ اللــــهــ عليـــــكــ ][

هياا بســ قااالتــ كذااا وووهـ ياااقلبيــ تفشلللللللللللللللتــ ..


الأربعاء، 15 أبريل 2009

انـ شااء اللهـ يصير ليـاا حاااادثـ وامووتـ دحييينـ اذا كنتـ اكذبــ!!

هاااااااااااااااااايوووو

كيفكمــ؟؟

بعد انقطاااعـ طوييييييييييلــ رجعنااا لكمــ >>خخخخ


اليووومـ بحكيـ لكمـ سااالفهـ تضحكككككككــ



و السااالفهـ كالتااااليــ::...


كنااا يوومـ منـ الاياامــ انااا و سااارهـ بالمدرسهـ بعدينـ صديقتهاا ماادريـ وشـ قاالتــ وانا سمعتهاا تقولـ شئ ثاانيــ !!

رحناا البيتـ و جااء اليوومـ الثااانيـ و اناا متحمسهـ على شاانـ ابسألـ صديقتهاا ايشـ قااالتــ ،، بسـ نسيتـ

و جااء نهااايهـ الدوااامـ و جيناا راااايحينـ البيتـ ركبناا السياااارهـ قلتــ ::

يوووووووووو نسيتـ اسألـ صديقتكــ..!!؟!!

قاالتـ سارهـ ::
واللهـ انهاا ماااقاالتـ ليـ سمعتيهـ

قلتـ لهاا::
انا سمعتهااا

قاالتــ ::
انـ شااء اللهـ يصير ليـاا حاااادثـ وامووتـ دحييينـ اذا كنتـ اكذبــ!!

ههههههههههههــ واللهـ مااامدى مشيناا خطوتينـ إلااا بغى يصير حااادثــ !!
ههههههههههههههههههههههههههههههههــ


الأربعاء، 21 يناير 2009

د عاشق!

من زمان ما حد كتب شيء فقلت اكتب لكم هذي القصة اللي صارت لي يوم رحت المستشفى لاول مرة كطالبة طب
المهم مفروض ادور على دكتور واساله عن الاختبار
قالت لي صاحبتي اسمه دكتور عاشق
صرت اقولها اسمه يفشل ما راح اسال وين د عاشق
قامت قالت اسمه د محمد عاشق
و اروح ادور على د عاشق اقوم اقابل بننت اكبر مني هي بسنة سادسة
اقولها
لو سمحت تعرفي فين الاقي د محمد عاشق
قامت تطالع فيني قالت اي قسم
قلت باطنية
طالعت فيني بنص عين وقالت اسمه د مشتاق
انا تفشلت
طاح وجهي اتخيل لو صاحبتي جنبي كنت بالدفتر على راسها
هو صحيح الاسمين يفشلون بس شي اهون من شي
الى الان اتخيل لو اني سالت موظف ولا طبيب كان يقول اش تبغى هذي جايه تستهبل...
:)




الاثنين، 19 يناير 2009

HaPy BiRtH dAy

Happy Birth day
To you
saylim
Salma
Soolma

الاثنين، 5 يناير 2009

Happy Birthday To ME


اليوم عيد ميلادي ..
انشالله تكون سنه حلوه علي
وانشالله ربي يوفقني في دراستي
وكـــــــل عام وانا بخير :)
"هذي الكيكه كيكه العائله << علقنا عليها هههههههههه"
تحياتي ...

الأربعاء، 31 ديسمبر 2008

Barbeque <<< بعد طــول انتظار!!







مرحبا..(من زمـــــــان عنكم)<<<وحشتوناا

اليوم موضوعي مراا حلو (وحده واثقه)..احنا من اربع سنوات نستنا بيتنا يخلص عشان نسوي Barbeque بحوشنا..

ونتحلم ..من يوم ما ابوي بدأ يبني واحنا مقررين وين بيكون ،وش بنلبس، ومين بنعزم <<< ادري حالتنا صعبه

ومو بس احنا (سلمى وانا وسهى وزاهيه ونهى ) وعماتي وحتى الشغالات..خخخ

وابشركم الحمد الله خلص البيت ونقلنا وجاء اليوم المنتظر..

اجتمعنا كلنا وللأسف عمى فطوم رحلتها كانت بنفس اليوم ((مو مشكله الزياره الجايه !!))..

والله وبدأنا التحظيرات ..جهزنا الاشياء... وبدأت الونــــــــــــــــــــــــااسه..اخليكم احين مع الصور ..((لكن انصحكم لا تشوفونها وانتو جيعانين))..خخخ














صراحه كانت تجربه مره حلو فيهاا تغيير جو (انصحكم تجربونها)..

وسلامتكم..

اشوفكم على خيير ..

الجمعة، 5 ديسمبر 2008

طويل قصير مثلث مستطيل !!

مرحبا ..


ما ادري كيف ابدأ <<< حشاا حفل تخرج!!


بحكيكم عن قصصي المتوااصله اللي يمكن في المستقبل اسوي منهاا فلم هندي!! ههه


قصتي تبدأ كالتالي..


مره كنا مسافرين عشان ملكه اخويا ..وفي طريق العوده كنا نايمين بعدين قمنا الساعه 8 قال عشان نوصل الدمام بدري..(هنا تبدأ المعاناه)


والله تجي امي تفتح باب الغرفه (يلاااااااا قومو ابوكم يسخن السيااره بناااااااااااااااات يلاا)..والله ونفز المسأله فيها ابويا !! خخخخ


واقوم والبس عباتي وكم كيس وشنطه ورحت عند المصعد (الاصنصير)وركبت انا ونهى وشغالتهم ..طبعا كلناا بالصباح مطنقرين وما نمنا بدري خلاص جينا بننزل طبعا الفندق الدرج حقه يمكن 25 درجه والله نزلت نهى وراحت ع السياره وانا جيت انزل ما ادري كيف نشب الكعب بالجينز واطيح من اول الدرج لين الاخير لا واللي يظحك انو ما فكيت ولا شي من يدي (الاكياس والشنط) كأنهم بيطيرون ..
والله وافتح الحلق وابكي شوي الا الشغاله (ساره اس في بسم الله قوم قوم) وسلمى تمسكني .. وسهى تحسب اغمى عليا ..(طبعا الفشيله كانت انو اليمني اللي ع الرسبشن وولد عمي وكم هندي كلهم كانو موجودين يعني قمه الفشيله)...والله واركب السياره وانا لسا ابكي شوي الا عمي يجي سلمات سلمات وانا ولله مشغوله بالبكا..بعد دقيقتين دخل ابوي السياره....
ابويا:وريني جزمتك
انا:مارديت
شوي نبره الصوت بدت تعلى قمت من الخرعه فصختها ووريته.
ختلي كم كلمه وطبعا محاضره عن الكعوب ......................
وخلاص عدت السالفه على خير ..
وثاني مره كنت بالبيت قاعده اطالع التلفزيون (ايام مسلسل نور)..وجا فاصل وكنت ابغى اطلع اخذلي علك قبل ما يبدا ولله واتحمس وانقز هذيك النقزه واركض الا درررررررررررررررب طحت بالدرج هذيك الطيحه حسيت عيوني خرجت وقعدت تتمشى بعدين رجعت!!خخ
وعدت السالفه
و قبل اسبوع يمكن كنت انا ونهى رايحين عند مدرسه يوم الخميس وانا طالعه الا اتزحلق قامت نهى بأعلى صوت(بســـم لله عليــــــــــك)
الا المدرسه تطلع (ايه ايه في حاقه؟ حصل ايه؟)طبعا انا ونهى انفرطنا ضحك..هههههههههههههههههههه
والله الطويل مو مرتاح والقصير مو مرتاح اذا لبست كعب طحت واذا لبست شحاطات طحت ما ادري شلبس الظاهر حافيه او زنوبه !!
يلا اشوفكم على خيير..
وكل سنه وانتم طيبيــــــــــن
باي



الجمعة، 28 نوفمبر 2008

بقووووووول لامي

هاااااااااااااااااي

كيفكم؟؟


بقوووول لكم احدااااث صااارت لي ::
الحدث الاول ::
بس اول شئ بقووول لكم شئ انا احب الفناااااااانهـ][avril lavigne][ مررررررررهـ

احب اغااانيهاااا الستاااااايل حقهااا شعرهاااااا ملاااابسهااا كل شئ كل شئ


شوفوهااا بس تجنن >>مااااااااشاااااااااااااااااااااااااااااء اللــــــــهـ ..
اللهـ يخليهااااا و يطوووول بعمرهاااااااا

^^^^^^^^^^^^^^^^^^^^^^^^^^^^^^^^^

هيااا عندهااا مثل ذي الجزمــــــهـ و انا شفتهاااا مره بالسوااااني بس ماااقلت لامي اني ابغى اشتريهااا و اشتريت وحده تشبهااا
و يوووم رجعت البيت قااالت لي سلووووووم زاااهيهـ ترى فيهـ زي جزمهـ avril بس ماااقلت لك عليهااا في المحل على شااان ماااتنشبي
فيهاااااا
انا قلت لهاا عاادي برووح مره ثااانيه و بشتريهااا قااامت تقوووول انا بقووول لامي مااااتخليك تشتريهاااا
و بعدين قااالت لهااااا و امي مااااخلتني اشتري زيهاااا على قووولتهاا >>ماااعندي بناات يقلدوو الفنااانااات

و انا طنقرت على سلــــــــمى يووومين و رجعت كلمتهاااا
و لحد دحيييين اتمنى اشتري دي الجزمــــــــــهـ
بس....

و الحدث الثااااني ::

كنت ابغى اشتري مناااكير لونهاااا اسووود زي حقتهااا^^^^^
و قلت لسلوووووم قاامت قااالت لي لاااااا قلت لهاا مو على كيفك قاامت تقووول داااامني موجدوووه منتي شااااريه مناااكير سودااااء
السبب >>>لا تقلدييييهم بكل شئ لانوو هم عندهم بين بعض رموووز و معتقدااات و احناا نقلدهم و مااااندري ايش الساااالفهـ

و مع الاسف مااااشتريتهاااا


و الحدث الثااااالث ::
كنت ابغى افصل عبااااااايهــ
و رحت عند اختي قلت لهااا بفصل عباااايهـ رهيييييييييبهـ كمهاااا مغربي
قاااامت تقووول يااازاااااهيــــــهـ انتي يدك من دووون كم مغربي طااااالعه ماااتتغطى ايش بتسير اذا فصلتي عباااايه كمهااا مغربي ؟؟
بقوووول لامي
ورااااااحت قاااااااااااااالت لهاااا و امي مااارضت لي افصل عبااايهـ كمهااااا مغربي
فصلت عبااايه عااديهـ
و بعد اسبوووع الاخت تفصل عبااايهـ كمهااااا مغربي>>شوووفوووو النذاااااااااااااااااااااااالهــ


لكن الحمد اللــــــــهـ ماااطلعت حلــــوووهـ زي ماااوصفتهاا لنااا>>بالمبااااااااااااااالغهــ
و انا بعدهاا بكم يووم انشقت عباااتي و رحت فصلت عباااايهـ كمهاااا مغربي و لا بعد مبطنهـ بقماااش فووووووووووووووشي
هههههههــ
و ختاااماً
ان شاااء اللهـ ماااطولت علييييييييييييكم
سيوووووو

السبت، 22 نوفمبر 2008

شعبولا ...حبيبي!!


مرحباا،،

اليوم بحكيكم عن عذابــــــــــي و معاناتــــــــــــي مع شعبولا!!،،اول شي بعرفكم عليه بعدين نبدأ..الأسم:شعبولا ،، العمر:اتوقع 6 سنوات ،، الموطن الام:شرق اسياا ،، الاكل المفضل:كاجو

احين نرجع لموضوعناا..
هذا الله يسلمكم انا اكـــــــــره شي بحياااتي هي الحيوانــــــــات بكل انواعهاا ،، اشوفهاا ، اتفرج عليهاا ، بس من بعيد لبعيد لعده اسباب:
1-اني اكرهـــــها 2-لاني اخاف ((ممكن اصرخ او ابكي اي شي اعبر فيه عن مشاعري)) !! خخ
حااولت بكل الطرق اني اتخلص منه واخرعه ومراات والله كان نفسي اموته.
وطبعا كل البيت يموووت عليه ((الا انا طبعا))!! واليوم بحكيكم عن مواقف صارت معي :..
الاول:
مره من المرات كنت راجعه من حفل تخرج ثالث متوسط ومبسوطه وقاعد بالصاله احكي لأخواتي عن الحفله وكان في هدايا واشياء وانا متحمسه قاعده افككهم وشوي اشوف الشغاله جايه من المطبخ و تجري وتحرك ادينهاا طبعاا على طوول احنا حسبناا ان في شي انحرق بالمطبخ شوي الا اشوف السيد شعبولا يطير، اخواتي وامي كلهم((ياااااااي يحليله صار يطير))!! <<فجئه يحليله!!
انا والله ارمي اللي بيدي و طوالي عل الدرج وانا اصرخ وهو الزفت وراي وانا اقولهم الحقووووووووونيييييييي،،يمااااااااااااااه
وهم يقولولي الشرايط الشرايط،،انا قاعده اقول فااضيين((على بالي انهم يقولون تعالي شيلي اغراضك))وانا اقولهم وخروووووووووه
(((الحمد لله ان ابويا مو بالبيت ولا كان جاني تهزيئه على هالصرااخ كله)))،،والله اقرب شي غرفه امي ودخلت وماا صدقت سكرت الباب وقعدت على السرير بعد دقيقتين استوعبت انو فالبلوزه حقتي شراايط من التغليفه هو يبغااها واناا اركض وهو ورااي <<ما ادري على باله العب معه؟!!

الثاني:
والساالفه هذي كلما اتذكرهاا اضحك ضحك مو طبيعي..كنا مره انا وامي قاعدين بالصاله واخوي الكبير ناايم ع الكنبه !! فكنا نتكلم بصوت واطي والبيت هدوء..شوي الا اسمع رفرفه اجنحه متجهه عليا،،شوي الا اشوفه متعلق بشعري ويرفرف انا بس حسيته على طووول
وخررررررررررررروه يماااااااااااااه الحقووووووووووووووني لااااااااااااااااااااااااا وبديت بالبكا <<< !!!
مسكين اخوي نط من الكنبه يقول وينه ؟وينه؟ خخخخخخخ(مسكين علباله احد دخل البيت عليناا).. وسلمى سكرت على نفسها الغرفه تحسب فار (شوفو كل واحد بإيش يفكر)،،بس بعدين امي نادتهاا عشان تمسكه..
وحتى لو ما تعرض لي يترك اثار كأنه يدري اني ماااااااااا احبه
زي مثلا مره كنت بروح اناام شوي كذا وانا جالسه افتح اللحاف الا اشوف شي( اخضر عل ابيض)) يقرف ،، قمت قلت حتى وهو مو معاي يقهرني يعني يطيير بكل البيت وعاادي بس الظاهر سريري حماام للاخ <<< ينرفز
وبالرغم من محاولاتي الكثيره اني اموته الا انو(( ما شاء الله)) متمسك بالحياه ..اصلا لو مات بيصير ببيتنا انهيارات عصبيه وحالات اغماء!خخ
يلا اهم شي انو ماا يقرب مني،، خلاص نصير حبايب..
وسلامتكم.


الجمعة، 14 نوفمبر 2008

قمة الاحراااااااج



يوم من الايام كنا مسافرين دبي انا واختي واخوي وعمتي وبنتها سموره عند عمتي الثانيه . انا كنت متردده لاني اخاف من الطياره ولا كمان طيران العربيه يوو صغيره وخفيفه يلا مومشكله تحمست وقلت كلها ساعه واكون في دبي " تحدي الخوف" لكن بصراحه اكثر شي حمسني انو كان ايام دراسه "يعني غياب" . المهم جاء يوم السفر اقلعت الطياره وانا خايفه لكن الحمدالله ما كان في مطبات لكن خفت شويه .وصلنا دبي بسلام وقعدنا 5 ايام بدبي وانبسطنا وغيرنا جوا. المهم جا وقت الرجعه لكن من النحاسه كان الجو مغبريعني طبيعي في "مطبات" رحنى المطار وعادي قطعنا التذاكر وركبنا الطياره وقعدنا, انا كنت جنب عمتي واختي واخويه كانو جنبي لكن الجهه الثانيه ,المهم اقلعت الطياره ,اول ربع ساعه كان عادي مافي مطبات شئ ,وبعدين شويه صار في مطبات وانا علامات الخوف بوجهي لكن سكت وماقلت شي ماسكه اعصابي والله تشتد المطبات وتشتد اكثر اكثر اكثر وانا كنت اقول يمه... يمه...يمه وبعدين جت مطبه قوووووووووويه انا صرخت بصوت عالي: يماااااااااااااااااااااااااااااااااااااااااااااااااااااااااه وصرت ابكي وكل يلي بالطايره لفوا يطالعوني انا بوقتها قلت بالطقاق وصرت ابكي وماعلي منهم عمتي صارت تقلي لاتخوفي سموره اسكتي "وانا لاحياه لمن تنادي" لكن والله كانت المطبات قوويه حتى اختي واخوي خافوا لكن ساكتين يعنني مايخافوا لكن باين عليهم <<<< كاشفتكم هههههه المهم جو الموظفات وصاروا يقولو لاتخافي وفي وحده امريكيه تقولي:"دونت ووري" وهي تقولي في نفس الوقت جت مطبه ثانيه وهي صارت تميل على الجهه الثانيه وانا في قلبي اقول " تقولي دونت ووري وانتي بغيتي تطيحي" عاد انا صرت اتذكر الافلام واتخيل ايش بيصير يعني سويت فلم اكشن , شوي خفت المطبات و هديت ومسحت دموعي وهبطت الطياره وكل الناس يمروا يطالعوا فيني وانا قمه الاحراج يللي يضحك ويللي يأشر ومن بعدها خلاص مستحيل اركب طيران العربيه وتخيلوو في اجازه من الاجازات اختي وعمتي راحوا دبي وانا مارحت قلت تووووبه مستحيييل :-)

الثلاثاء، 11 نوفمبر 2008

My BirthDay Party:)


في البدايه احب اشكر كل الي حضروا الحفله واللي ما حضر بس فكر انه يدق علي وجودكم حولي يعني لي الكثير ...مارح اطول في الكلام لاني( قعدت ساعه يالله طلعت معاي هاالكلمتين :) وان شاء الله تكونوا انبسطتم بالحفله

ملاحظه صغيره : اللي ماعجبتها الحفله تصك راسها بالجدار !! هههههه

الاثنين، 3 نوفمبر 2008

اسأل مجرب ولا تسأل طبيب!!!

مرحبااا..
اليوم بقولكم عن موقف توه جديد ((فرش))
الاسبوع الماضي كان فيه حفله للبزارين ببيت سهى ونهى..
قبل ماا نرووح يعني يمكن الساعه 6 كنت قااعده ع المااسنجر وشفت سهى..
اهلييين
مرحبااا
وينكم يلا تعاالو
شويه ونجي ..في احد جا ولا لساا؟
لاا بس عمه شيشي!
اهاا
طيب لااازم اتكشخ ؟ ماالي نفس ((كنت هذاك اليوم شوي تعباانه <<<مو شوي كثيير خخخ))
لاا مو لاازم اصلاا ماافي احد غريب بس احناا
متأكده ..
ايوه
يلا باي
باي
والله ورحت ربطت شعري كعكه ((الله لا يوريكم الشكل))ولبس جينز (ازرق)+تيشيرت(وردي)+سوتر(اخضر وبيج)...لاا حظو تنااسق الالواان..وحطيت روج وسويت حوااجبي ...بسسس
ركبت السيااره وكل شي تماام
وصلناا عندهم الا نهى جاايه عند الباب ومتكشخه الاخت ...((عاادي ))!!
دخلت الا اشووف اختي حبيبتي الانسه الجميله الدكتوره.....سهى متكشخه((صدمه))!!
وجاايه تسلم ومبسوطه ،،طليت من الباب الا اشوف حرمه اول مرا اشوفهاا و عمااتي ((كلهم متكشخيين))
اناا طالعت في سهى ((ياا @%&^%^*&$ )) طبعا هي تظحك وعاادي ((انا خلاااص قفلت معاااي !!وطنقرت))
دخلت الغرفه وجلست مسكت نفسي مسكت نفسي ..وبعديين ماا قدرت ((وانفجرت بالبكاء))طبعاا الغرفه كاانت ازعااج فجأه ماافي اللا صووتي،،، كلهم ،،سااره اشبك؟ سااره ؟ تعبااانه؟واناا هئهئهئ،،سااره اشبك ؟
والله واسكت وخلااص كل شي تماام..سهى يا#%$^انا سألتك قلت بتتكشخوون قلتي لاا ماا في احد..
لاا والله ياسااره بس ماا كنت اعرف انوو بتلبسين زي كذاا!!
واناا لااااا تعليق ،، مسكينه طلعتلي ملااابس ونشبت الاا البسهاا بس خلاااص تأقلمت.
قلت انو اهلي عاارفين اني تعباانه والحرمه عااادي اول مره اشوفهاا ....مو مشكله تقول اللي تقوله!
السااعه10 يدق الجرس الا صااحبه سهى جااايه ومتكششششششششخه ((طبعا اناا خلاااص صار عندي تبلد))..بس حتى هي كاانت مطنقره<<<بس شووفو الفرق وحده تطنقر وتتلحج!والثانيه تطنقر وتتكشخ!!
بس كاانت حفله حلوا ..مع اني كنت زعلانه ومطنقره ..بس الحيين عرفت اني لو بسأل عن شي ماااا راح اسأل سهى لان معلوماتها غير موثووقه.. خخخخخخ

الأربعاء، 29 أكتوبر 2008

HaPpY BiRtH DaY

والله حركــــــــــــــــاات صرتي كبيـــره!!
كل سنــــــــه وانتي طيبه..
وعقبال 200 سنه.
Happy Birth day to you
((اناا اول وحده اقولك..صح؟)) << وحده مــره واثقه !! خخخ

الأربعاء، 22 أكتوبر 2008

باي الفراولة ..


اليوم رح احكي عن احدى افشل تجاربي الطبخية ..
بداية انا كان حلم حياتي انو اعمل باي زي اللي يجيبوها في توم وجيري.. طبعا هذي القصة لما كنت صغيرة
و مرة جا مع زبدة لورباك كتاب طبخ وفيه كان باي فراولة ..
فقلت لامي انو رح اعملها فقالت طيب
وبدات العمل وكنت جدا متحمسة .. او صح نسيت اقول انو كان رمضان ... و الجوع عمل عمايلة ..
بالنهاية الباي طلع زي اللي بالصورة .. مررة يجنن
وحطيته بالثلاجة
.. وبعد صلاة المغرب
جاء وقت العرض
تجمعت العائلة ك ل ه ا
والكل كان معجب لان شكلها مررة يشهي
واخذت امي السكينة ودخلتها

و
و
تطلع امي السكينة ما رضيت تطلع
وسحبت بقوة
واقوى
و
و
سحبت امي الباي من الصينية
يعني تخيلو امي في يدها سكينة ونهاية السكينة فيه باي
في السما
مررة تفشلت .. يعني الكيكة ناشبة
وقاسية .. زي الصخر
والكل يطالع فيه
ويضحك
من يومها ما عدت اتجرأ اعمل باي
مع انو نفسي اسويها بس توبة