Barbeque <<< بعد طــول انتظار!!

مرحبا..(من زمـــــــان عنكم)<<<وحشتوناا

اليوم موضوعي مراا حلو (وحده واثقه)..احنا من اربع سنوات نستنا بيتنا يخلص عشان نسوي Barbeque بحوشنا..

ونتحلم ..من يوم ما ابوي بدأ يبني واحنا مقررين وين بيكون ،وش بنلبس، ومين بنعزم <<< ادري حالتنا صعبه

ومو بس احنا (سلمى وانا وسهى وزاهيه ونهى ) وعماتي وحتى الشغالات..خخخ

وابشركم الحمد الله خلص البيت ونقلنا وجاء اليوم المنتظر..

اجتمعنا كلنا وللأسف عمى فطوم رحلتها كانت بنفس اليوم ((مو مشكله الزياره الجايه !!))..

والله وبدأنا التحظيرات ..جهزنا الاشياء... وبدأت الونــــــــــــــــــــــــااسه..اخليكم احين مع الصور ..((لكن انصحكم لا تشوفونها وانتو جيعانين))..خخخ

صراحه كانت تجربه مره حلو فيهاا تغيير جو (انصحكم تجربونها)..

وسلامتكم..

اشوفكم على خيير ..

طويل قصير مثلث مستطيل !!

مرحبا ..

ما ادري كيف ابدأ <<< حشاا حفل تخرج!!

بحكيكم عن قصصي المتوااصله اللي يمكن في المستقبل اسوي منهاا فلم هندي!! ههه

قصتي تبدأ كالتالي..

مره كنا مسافرين عشان ملكه اخويا ..وفي طريق العوده كنا نايمين بعدين قمنا الساعه 8 قال عشان نوصل الدمام بدري..(هنا تبدأ المعاناه)

والله تجي امي تفتح باب الغرفه (يلاااااااا قومو ابوكم يسخن السيااره بناااااااااااااااات يلاا)..والله ونفز المسأله فيها ابويا !! خخخخ

واقوم والبس عباتي وكم كيس وشنطه ورحت عند المصعد (الاصنصير)وركبت انا ونهى وشغالتهم ..طبعا كلناا بالصباح مطنقرين وما نمنا بدري خلاص جينا بننزل طبعا الفندق الدرج حقه يمكن 25 درجه والله نزلت نهى وراحت ع السياره وانا جيت انزل ما ادري كيف نشب الكعب بالجينز واطيح من اول الدرج لين الاخير لا واللي يظحك انو ما فكيت ولا شي من يدي (الاكياس والشنط) كأنهم بيطيرون ..

والله وافتح الحلق وابكي شوي الا الشغاله (ساره اس في بسم الله قوم قوم) وسلمى تمسكني .. وسهى تحسب اغمى عليا ..(طبعا الفشيله كانت انو اليمني اللي ع الرسبشن وولد عمي وكم هندي كلهم كانو موجودين يعني قمه الفشيله)...والله واركب السياره وانا لسا ابكي شوي الا عمي يجي سلمات سلمات وانا ولله مشغوله بالبكا..بعد دقيقتين دخل ابوي السياره....

ابويا:وريني جزمتك

انا:مارديت
شوي نبره الصوت بدت تعلى قمت من الخرعه فصختها ووريته.

ختلي كم كلمه وطبعا محاضره عن الكعوب ......................

وخلاص عدت السالفه على خير ..

وثاني مره كنت بالبيت قاعده اطالع التلفزيون (ايام مسلسل نور)..وجا فاصل وكنت ابغى اطلع اخذلي علك قبل ما يبدا ولله واتحمس وانقز هذيك النقزه واركض الا درررررررررررررررب طحت بالدرج هذيك الطيحه حسيت عيوني خرجت وقعدت تتمشى بعدين رجعت!!خخ

وعدت السالفه

و قبل اسبوع يمكن كنت انا ونهى رايحين عند مدرسه يوم الخميس وانا طالعه الا اتزحلق قامت نهى بأعلى صوت(بســـم لله عليــــــــــك)

الا المدرسه تطلع (ايه ايه في حاقه؟ حصل ايه؟)طبعا انا ونهى انفرطنا ضحك..هههههههههههههههههههه

والله الطويل مو مرتاح والقصير مو مرتاح اذا لبست كعب طحت واذا لبست شحاطات طحت ما ادري شلبس الظاهر حافيه او زنوبه !!

يلا اشوفكم على خيير..

وكل سنه وانتم طيبيــــــــــن

باي