Barbeque <<< بعد طــول انتظار!!

مرحبا..(من زمـــــــان عنكم)<<<وحشتوناا

اليوم موضوعي مراا حلو (وحده واثقه)..احنا من اربع سنوات نستنا بيتنا يخلص عشان نسوي Barbeque بحوشنا..

ونتحلم ..من يوم ما ابوي بدأ يبني واحنا مقررين وين بيكون ،وش بنلبس، ومين بنعزم <<< ادري حالتنا صعبه

ومو بس احنا (سلمى وانا وسهى وزاهيه ونهى ) وعماتي وحتى الشغالات..خخخ

وابشركم الحمد الله خلص البيت ونقلنا وجاء اليوم المنتظر..

اجتمعنا كلنا وللأسف عمى فطوم رحلتها كانت بنفس اليوم ((مو مشكله الزياره الجايه !!))..

والله وبدأنا التحظيرات ..جهزنا الاشياء... وبدأت الونــــــــــــــــــــــــااسه..اخليكم احين مع الصور ..((لكن انصحكم لا تشوفونها وانتو جيعانين))..خخخ

صراحه كانت تجربه مره حلو فيهاا تغيير جو (انصحكم تجربونها)..

وسلامتكم..

اشوفكم على خيير ..

طويل قصير مثلث مستطيل !!

مرحبا ..

ما ادري كيف ابدأ <<< حشاا حفل تخرج!!

بحكيكم عن قصصي المتوااصله اللي يمكن في المستقبل اسوي منهاا فلم هندي!! ههه

قصتي تبدأ كالتالي..

مره كنا مسافرين عشان ملكه اخويا ..وفي طريق العوده كنا نايمين بعدين قمنا الساعه 8 قال عشان نوصل الدمام بدري..(هنا تبدأ المعاناه)

والله تجي امي تفتح باب الغرفه (يلاااااااا قومو ابوكم يسخن السيااره بناااااااااااااااات يلاا)..والله ونفز المسأله فيها ابويا !! خخخخ

واقوم والبس عباتي وكم كيس وشنطه ورحت عند المصعد (الاصنصير)وركبت انا ونهى وشغالتهم ..طبعا كلناا بالصباح مطنقرين وما نمنا بدري خلاص جينا بننزل طبعا الفندق الدرج حقه يمكن 25 درجه والله نزلت نهى وراحت ع السياره وانا جيت انزل ما ادري كيف نشب الكعب بالجينز واطيح من اول الدرج لين الاخير لا واللي يظحك انو ما فكيت ولا شي من يدي (الاكياس والشنط) كأنهم بيطيرون ..

والله وافتح الحلق وابكي شوي الا الشغاله (ساره اس في بسم الله قوم قوم) وسلمى تمسكني .. وسهى تحسب اغمى عليا ..(طبعا الفشيله كانت انو اليمني اللي ع الرسبشن وولد عمي وكم هندي كلهم كانو موجودين يعني قمه الفشيله)...والله واركب السياره وانا لسا ابكي شوي الا عمي يجي سلمات سلمات وانا ولله مشغوله بالبكا..بعد دقيقتين دخل ابوي السياره....

ابويا:وريني جزمتك

انا:مارديت
شوي نبره الصوت بدت تعلى قمت من الخرعه فصختها ووريته.

ختلي كم كلمه وطبعا محاضره عن الكعوب ......................

وخلاص عدت السالفه على خير ..

وثاني مره كنت بالبيت قاعده اطالع التلفزيون (ايام مسلسل نور)..وجا فاصل وكنت ابغى اطلع اخذلي علك قبل ما يبدا ولله واتحمس وانقز هذيك النقزه واركض الا درررررررررررررررب طحت بالدرج هذيك الطيحه حسيت عيوني خرجت وقعدت تتمشى بعدين رجعت!!خخ

وعدت السالفه

و قبل اسبوع يمكن كنت انا ونهى رايحين عند مدرسه يوم الخميس وانا طالعه الا اتزحلق قامت نهى بأعلى صوت(بســـم لله عليــــــــــك)

الا المدرسه تطلع (ايه ايه في حاقه؟ حصل ايه؟)طبعا انا ونهى انفرطنا ضحك..هههههههههههههههههههه

والله الطويل مو مرتاح والقصير مو مرتاح اذا لبست كعب طحت واذا لبست شحاطات طحت ما ادري شلبس الظاهر حافيه او زنوبه !!

يلا اشوفكم على خيير..

وكل سنه وانتم طيبيــــــــــن

باي

بقووووووول لامي

هاااااااااااااااااي

كيفكم؟؟


بقوووول لكم احدااااث صااارت لي ::
الحدث الاول ::
بس اول شئ بقووول لكم شئ انا احب الفناااااااانهـ][avril lavigne][ مررررررررهـ

احب اغااانيهاااا الستاااااايل حقهااا شعرهاااااا ملاااابسهااا كل شئ كل شئ


شوفوهااا بس تجنن >>مااااااااشاااااااااااااااااااااااااااااء اللــــــــهـ ..
اللهـ يخليهااااا و يطوووول بعمرهاااااااا

^^^^^^^^^^^^^^^^^^^^^^^^^^^^^^^^^

هيااا عندهااا مثل ذي الجزمــــــهـ و انا شفتهاااا مره بالسوااااني بس ماااقلت لامي اني ابغى اشتريهااا و اشتريت وحده تشبهااا
و يوووم رجعت البيت قااالت لي سلووووووم زاااهيهـ ترى فيهـ زي جزمهـ avril بس ماااقلت لك عليهااا في المحل على شااان ماااتنشبي
فيهاااااا
انا قلت لهاا عاادي برووح مره ثااانيه و بشتريهااا قااامت تقوووول انا بقووول لامي مااااتخليك تشتريهاااا
و بعدين قااالت لهااااا و امي مااااخلتني اشتري زيهاااا على قووولتهاا >>ماااعندي بناات يقلدوو الفنااانااات

و انا طنقرت على سلــــــــمى يووومين و رجعت كلمتهاااا
و لحد دحيييين اتمنى اشتري دي الجزمــــــــــهـ
بس....

و الحدث الثااااني ::

كنت ابغى اشتري مناااكير لونهاااا اسووود زي حقتهااا^^^^^
و قلت لسلوووووم قاامت قااالت لي لاااااا قلت لهاا مو على كيفك قاامت تقووول داااامني موجدوووه منتي شااااريه مناااكير سودااااء
السبب >>>لا تقلدييييهم بكل شئ لانوو هم عندهم بين بعض رموووز و معتقدااات و احناا نقلدهم و مااااندري ايش الساااالفهـ

و مع الاسف مااااشتريتهاااا


و الحدث الثااااالث ::
كنت ابغى افصل عبااااااايهــ
و رحت عند اختي قلت لهااا بفصل عباااايهـ رهيييييييييبهـ كمهاااا مغربي
قاااامت تقووول يااازاااااهيــــــهـ انتي يدك من دووون كم مغربي طااااالعه ماااتتغطى ايش بتسير اذا فصلتي عباااايه كمهااا مغربي ؟؟
بقوووول لامي
ورااااااحت قاااااااااااااالت لهاااا و امي مااارضت لي افصل عبااايهـ كمهااااا مغربي
فصلت عبااايه عااديهـ
و بعد اسبوووع الاخت تفصل عبااايهـ كمهااااا مغربي>>شوووفوووو النذاااااااااااااااااااااااالهــ

لكن الحمد اللــــــــهـ ماااطلعت حلــــوووهـ زي ماااوصفتهاا لنااا>>بالمبااااااااااااااالغهــ

و انا بعدهاا بكم يووم انشقت عباااتي و رحت فصلت عباااايهـ كمهاااا مغربي و لا بعد مبطنهـ بقماااش فووووووووووووووشي

هههههههــ

و ختاااماً

ان شاااء اللهـ ماااطولت علييييييييييييكم

سيوووووو

شعبولا ...حبيبي!!

مرحباا،،

اليوم بحكيكم عن عذابــــــــــي و معاناتــــــــــــي مع شعبولا!!،،اول شي بعرفكم عليه بعدين نبدأ..الأسم:شعبولا ،، العمر:اتوقع 6 سنوات ،، الموطن الام:شرق اسياا ،، الاكل المفضل:كاجو

احين نرجع لموضوعناا..

هذا الله يسلمكم انا اكـــــــــره شي بحياااتي هي الحيوانــــــــات بكل انواعهاا ،، اشوفهاا ، اتفرج عليهاا ، بس من بعيد لبعيد لعده اسباب:

1-اني اكرهـــــها 2-لاني اخاف ((ممكن اصرخ او ابكي اي شي اعبر فيه عن مشاعري)) !! خخ

حااولت بكل الطرق اني اتخلص منه واخرعه ومراات والله كان نفسي اموته.

وطبعا كل البيت يموووت عليه ((الا انا طبعا))!! واليوم بحكيكم عن مواقف صارت معي :..

الاول:

مره من المرات كنت راجعه من حفل تخرج ثالث متوسط ومبسوطه وقاعد بالصاله احكي لأخواتي عن الحفله وكان في هدايا واشياء وانا متحمسه قاعده افككهم وشوي اشوف الشغاله جايه من المطبخ و تجري وتحرك ادينهاا طبعاا على طوول احنا حسبناا ان في شي انحرق بالمطبخ شوي الا اشوف السيد شعبولا يطير، اخواتي وامي كلهم((ياااااااي يحليله صار يطير))!! <<فجئه يحليله!!

انا والله ارمي اللي بيدي و طوالي عل الدرج وانا اصرخ وهو الزفت وراي وانا اقولهم الحقووووووووونيييييييي،،يمااااااااااااااه

وهم يقولولي الشرايط الشرايط،،انا قاعده اقول فااضيين((على بالي انهم يقولون تعالي شيلي اغراضك))وانا اقولهم وخروووووووووه

(((الحمد لله ان ابويا مو بالبيت ولا كان جاني تهزيئه على هالصرااخ كله)))،،والله اقرب شي غرفه امي ودخلت وماا صدقت سكرت الباب وقعدت على السرير بعد دقيقتين استوعبت انو فالبلوزه حقتي شراايط من التغليفه هو يبغااها واناا اركض وهو ورااي <<ما ادري على باله العب معه؟!!

الثاني:

والساالفه هذي كلما اتذكرهاا اضحك ضحك مو طبيعي..كنا مره انا وامي قاعدين بالصاله واخوي الكبير ناايم ع الكنبه !! فكنا نتكلم بصوت واطي والبيت هدوء..شوي الا اسمع رفرفه اجنحه متجهه عليا،،شوي الا اشوفه متعلق بشعري ويرفرف انا بس حسيته على طووول

وخررررررررررررروه يماااااااااااااه الحقووووووووووووووني لااااااااااااااااااااااااا وبديت بالبكا <<< !!!

مسكين اخوي نط من الكنبه يقول وينه ؟وينه؟ خخخخخخخ(مسكين علباله احد دخل البيت عليناا).. وسلمى سكرت على نفسها الغرفه تحسب فار (شوفو كل واحد بإيش يفكر)،،بس بعدين امي نادتهاا عشان تمسكه..

وحتى لو ما تعرض لي يترك اثار كأنه يدري اني ماااااااااا احبه

زي مثلا مره كنت بروح اناام شوي كذا وانا جالسه افتح اللحاف الا اشوف شي( اخضر عل ابيض)) يقرف ،، قمت قلت حتى وهو مو معاي يقهرني يعني يطيير بكل البيت وعاادي بس الظاهر سريري حماام للاخ <<< ينرفز

وبالرغم من محاولاتي الكثيره اني اموته الا انو(( ما شاء الله)) متمسك بالحياه ..اصلا لو مات بيصير ببيتنا انهيارات عصبيه وحالات اغماء!خخ

يلا اهم شي انو ماا يقرب مني،، خلاص نصير حبايب..

وسلامتكم.

قمة الاحراااااااج

يوم من الايام كنا مسافرين دبي انا واختي واخوي وعمتي وبنتها سموره عند عمتي الثانيه . انا كنت متردده لاني اخاف من الطياره ولا كمان طيران العربيه يوو صغيره وخفيفه يلا مومشكله تحمست وقلت كلها ساعه واكون في دبي " تحدي الخوف" لكن بصراحه اكثر شي حمسني انو كان ايام دراسه "يعني غياب" . المهم جاء يوم السفر اقلعت الطياره وانا خايفه لكن الحمدالله ما كان في مطبات لكن خفت شويه .وصلنا دبي بسلام وقعدنا 5 ايام بدبي وانبسطنا وغيرنا جوا. المهم جا وقت الرجعه لكن من النحاسه كان الجو مغبريعني طبيعي في "مطبات" رحنى المطار وعادي قطعنا التذاكر وركبنا الطياره وقعدنا, انا كنت جنب عمتي واختي واخويه كانو جنبي لكن الجهه الثانيه ,المهم اقلعت الطياره ,اول ربع ساعه كان عادي مافي مطبات شئ ,وبعدين شويه صار في مطبات وانا علامات الخوف بوجهي لكن سكت وماقلت شي ماسكه اعصابي والله تشتد المطبات وتشتد اكثر اكثر اكثر وانا كنت اقول يمه... يمه...يمه وبعدين جت مطبه قوووووووووويه انا صرخت بصوت عالي: يماااااااااااااااااااااااااااااااااااااااااااااااااااااااااه وصرت ابكي وكل يلي بالطايره لفوا يطالعوني انا بوقتها قلت بالطقاق وصرت ابكي وماعلي منهم عمتي صارت تقلي لاتخوفي سموره اسكتي "وانا لاحياه لمن تنادي" لكن والله كانت المطبات قوويه حتى اختي واخوي خافوا لكن ساكتين يعنني مايخافوا لكن باين عليهم <<<< كاشفتكم هههههه المهم جو الموظفات وصاروا يقولو لاتخافي وفي وحده امريكيه تقولي:"دونت ووري" وهي تقولي في نفس الوقت جت مطبه ثانيه وهي صارت تميل على الجهه الثانيه وانا في قلبي اقول " تقولي دونت ووري وانتي بغيتي تطيحي" عاد انا صرت اتذكر الافلام واتخيل ايش بيصير يعني سويت فلم اكشن , شوي خفت المطبات و هديت ومسحت دموعي وهبطت الطياره وكل الناس يمروا يطالعوا فيني وانا قمه الاحراج يللي يضحك ويللي يأشر ومن بعدها خلاص مستحيل اركب طيران العربيه وتخيلوو في اجازه من الاجازات اختي وعمتي راحوا دبي وانا مارحت قلت تووووبه مستحيييل :-)

My BirthDay Party:)

في البدايه احب اشكر كل الي حضروا الحفله واللي ما حضر بس فكر انه يدق علي وجودكم حولي يعني لي الكثير ...مارح اطول في الكلام لاني( قعدت ساعه يالله طلعت معاي هاالكلمتين :) وان شاء الله تكونوا انبسطتم بالحفله

ملاحظه صغيره : اللي ماعجبتها الحفله تصك راسها بالجدار !! هههههه

اسأل مجرب ولا تسأل طبيب!!!

مرحبااا..

اليوم بقولكم عن موقف توه جديد ((فرش))

الاسبوع الماضي كان فيه حفله للبزارين ببيت سهى ونهى..

قبل ماا نرووح يعني يمكن الساعه 6 كنت قااعده ع المااسنجر وشفت سهى..

اهلييين

مرحبااا

وينكم يلا تعاالو

شويه ونجي ..في احد جا ولا لساا؟

لاا بس عمه شيشي!

اهاا

طيب لااازم اتكشخ ؟ ماالي نفس ((كنت هذاك اليوم شوي تعباانه <<<مو شوي كثيير خخخ))

لاا مو لاازم اصلاا ماافي احد غريب بس احناا

متأكده ..

ايوه

يلا باي

باي

والله ورحت ربطت شعري كعكه ((الله لا يوريكم الشكل))ولبس جينز (ازرق)+تيشيرت(وردي)+سوتر(اخضر وبيج)...لاا حظو تنااسق الالواان..وحطيت روج وسويت حوااجبي ...بسسس

ركبت السيااره وكل شي تماام

وصلناا عندهم الا نهى جاايه عند الباب ومتكشخه الاخت ...((عاادي ))!!

دخلت الا اشووف اختي حبيبتي الانسه الجميله الدكتوره.....سهى متكشخه((صدمه))!!

وجاايه تسلم ومبسوطه ،،طليت من الباب الا اشوف حرمه اول مرا اشوفهاا و عمااتي ((كلهم متكشخيين))

اناا طالعت في سهى ((ياا @%&^%^*&$ )) طبعا هي تظحك وعاادي ((انا خلاااص قفلت معاااي !!وطنقرت))

دخلت الغرفه وجلست مسكت نفسي مسكت نفسي ..وبعديين ماا قدرت ((وانفجرت بالبكاء))طبعاا الغرفه كاانت ازعااج فجأه ماافي اللا صووتي،،، كلهم ،،سااره اشبك؟ سااره ؟ تعبااانه؟واناا هئهئهئ،،سااره اشبك ؟

والله واسكت وخلااص كل شي تماام..سهى يا#%$^انا سألتك قلت بتتكشخوون قلتي لاا ماا في احد..

لاا والله ياسااره بس ماا كنت اعرف انوو بتلبسين زي كذاا!!

واناا لااااا تعليق ،، مسكينه طلعتلي ملااابس ونشبت الاا البسهاا بس خلاااص تأقلمت.

قلت انو اهلي عاارفين اني تعباانه والحرمه عااادي اول مره اشوفهاا ....مو مشكله تقول اللي تقوله!

السااعه10 يدق الجرس الا صااحبه سهى جااايه ومتكششششششششخه ((طبعا اناا خلاااص صار عندي تبلد))..بس حتى هي كاانت مطنقره<<<بس شووفو الفرق وحده تطنقر وتتلحج!والثانيه تطنقر وتتكشخ!!

بس كاانت حفله حلوا ..مع اني كنت زعلانه ومطنقره ..بس الحيين عرفت اني لو بسأل عن شي ماااا راح اسأل سهى لان معلوماتها غير موثووقه.. خخخخخخ

HaPpY BiRtH DaY

والله حركــــــــــــــــاات صرتي كبيـــره!!

كل سنــــــــه وانتي طيبه..

وعقبال 200 سنه.
Happy Birth day to you
((اناا اول وحده اقولك..صح؟)) << وحده مــره واثقه !! خخخ

باي الفراولة ..

اليوم رح احكي عن احدى افشل تجاربي الطبخية ..
بداية انا كان حلم حياتي انو اعمل باي زي اللي يجيبوها في توم وجيري.. طبعا هذي القصة لما كنت صغيرة
و مرة جا مع زبدة لورباك كتاب طبخ وفيه كان باي فراولة ..
فقلت لامي انو رح اعملها فقالت طيب
وبدات العمل وكنت جدا متحمسة .. او صح نسيت اقول انو كان رمضان ... و الجوع عمل عمايلة ..
بالنهاية الباي طلع زي اللي بالصورة .. مررة يجنن
وحطيته بالثلاجة
.. وبعد صلاة المغرب
جاء وقت العرض
تجمعت العائلة ك ل ه ا
والكل كان معجب لان شكلها مررة يشهي
واخذت امي السكينة ودخلتها

و
و
تطلع امي السكينة ما رضيت تطلع
وسحبت بقوة
واقوى
و
و
سحبت امي الباي من الصينية
يعني تخيلو امي في يدها سكينة ونهاية السكينة فيه باي
في السما
مررة تفشلت .. يعني الكيكة ناشبة
وقاسية .. زي الصخر
والكل يطالع فيه
ويضحك
من يومها ما عدت اتجرأ اعمل باي
مع انو نفسي اسويها بس توبة

عيد مبارك

عيد مبارك ومن العايدين الفايزين
كعادتنا اعياد الفطر تكون جدا ممتعة وتتجمع العائلة كلنا سوا لكن هذي السنة افراد كثير غابوا و توزعوا اللي بكندا واللي بدبي واللي بعمان واللي بالباحة .. و عشان كذا رح اكتب ايش سوينا بالزبط عشان نحس كنو كلنا سوا وماحد غاب ..:)

بداية صحينا ممكن الساعة خمسة او شيء زي كذا.. اكذب عليكم الحقيقة وكعادة الاغلبية من افراد العائلة واصلنا والساعة خمسة مرت امي علينا انو قومو تجهزوا ابوكم بيطلع للصلاة وبعدين لما يرجع رح نمشي.. احنا الحريم والبنات ما نطلع للصلاة نقعد نتجهز ونجهز الاطفال ونبخر البيت و نجهز قهوة وحلاوة العيد..و تقريبا على الساعة ستة وشوية رجع ابوية من صلاة العيد وتجمعنا كلنا بالصالة وشربنا قهوة و اكلنا حلاوة العيد ..

طبعا هذا العيد هو اول عيد لابن اخوية اللي يزنن بسم الله عليه مدين
المهم انطلقنا الى بيت عمو اللي نتجمع فيه كل عيد وتجمعنا الموجودين وافطرنا فطور العيد المعتاد ..
والساعة ممكن ثمانية بدانا بالهدايا..
الهدايا.. من يوم ما عرفت اني عضو في هذي العائلة واحنا عندنا هذا التقليد انو كل عيد فطر يقطو الاباء على عدد افراد عائلتهم ويتكفل واحد يشري هدايا بعددنا وتغلف الهدايا وينحط عليها ارقام وبالعيد كل واحد يسحب رقم ونفتح الهدايا ونشوف ايش اللي طلع له .. ساعات تكون هدية حلوة وساعات تكون سنيكرز حظك نصيبك..


السنة هذي تكفل بها محمد .. المهم تجمعنا في الغرفة اللي فيها جدو .. وقبل اي شيء
وقف محمد وطلب انتباه الجميع وقام ورفع ورقة معلقة على الجدار وقال هذولا اخواني صحيح هم مو موجودين معنا لكن كذا رح يكونوا معنا .. تحت الورقة كانت صورة لاولاد عمي الثلاثة مع بعض .. هذا اول عيد لهم بعيد عن العائلة وفي بلد الغربة .. كانت لحظة مؤثرة .. وحركة استحق فيها المديح من كل الموجودين ..
بدانا توزيع الارقام وكانو حاطينها في صناديق ومعها حلاوة التوفي ( حقت نهى ).. فكرة جديدة اعجبت الجميع.. المهم انا طلع رقمي 2
ويللا بدانا توزيع الهدايا .. جا دوري بسرعة بحكم انو رقمي اثنين و خفت من الحظ انو ما تطلع الهدية حلوة


هذيهي هديتي مو مرة عجبتي لكنها كويسة :( .. اهم شيء العلبة اللي كانت فيها الهدية " جراك الشعلة " لووول

بامكاني ان اعلن انو عائلتنا فرع ابوية حصلنا على احسن جوائز هذي السنة ..

انتهى توزيع الهدايا .. وخلصت الحفلة الصباحية والتريقة وبدأ توزيع العيديات..( وجه سعيد جدا جدا بيتشقق)
جدو هو اللي يوزع العيديات والطريقة هي الاتي .. يكون الجميع رجالا ونساء بالغرفة عددنا كل سنة تقريبا 36 بس هذي السنة بس20 :( .. اصلا هم موجودين عشان الهدايا ..الحريم في جه والرجال في جه.. وينادي علينا بالاسم واحد واحد ونقوم عنده وناخذ العيدية ونسلم على راسه .. البداية طبعا جدتي .. ثم عماتي .. ثم عائلة عائلة من الاكبر للاصغر ..
من غير الاباء او الشباب الموظفين ..

بعد كذا رحنا على البيوت ونمناااااااااااااااااااااااا..

على العصر قمت وتغديت مدري افطرت مرة ثانية .. بدانا التجهز عشان نروح استراحة عمو

اللي ما كنت ادري عن الاستراحة انو فيها 18 بسة ( قطة)..هاهاها كانت سهرة توتر وعذاب لاخواتي .. لانهم يخافون .. بس كانت مررة اشكالهم حلوة ..

وطرطعوا الاولاد و كانت حلوة الطراطيع( الطراطيع هي الالعاب النارية ) ..حسيت انها احلى من كل سنة ..

والله تمنينا الغايبين معنا وان شاء الله السنة الجاية نعوض غيابهم ..
واخر شي
من العايدين الفايزين و الله يعيده علينا وعليكم بالمسرات

فشيله خارج الوطن !!

هذا يا متابعين مدوتنا (مررره واثقه ) كنت في دبي ورحنا سوق انا وعماتي واقفين ننتظر وكان بجوارنا ناس اوربين واحد وزوجته و ولدهم الصغير كان بعمر بنت عمتي يعني تقريبا عمرهم سنه ونص جا الولد يبغى يلعب مع بنت عمتي وهي لو تقطعوها ماتبغى تلعب(والولد ما شاء الله حلو )عاد انا قمت اخفف بدمي واقولها روحي ترى باقي تتمني لما تكبري روحي واحاول وهي تقولوا شايفه @#$# وانا ماخذه راحتي في الكلام الي مالو داعي وبعدين واحنا طالعين من الباب .... صوت من ورانا لو سمحتي اختي .. اختي ..انا التفت الاقي نفس الشخص (ابو الولد ) يسأل عن شي والله من اللخبطه مأتذكر ايش هو بضبط انا تكسر وجهي صرت اتلفت وجهي حمر طلع (عربي )وانا على بالي ان اي احد عيونه زرقاء وشعره اشقر انه اوربي بس زوجته طلعت من اوربا وانا اسحب عماتي اقولهم يافشيله بسرعه خلينا نطلع من هنا بسرعه ........ قلت مره ثانيه مستحيل اتكلم وأخفف دمي حتى لو اني متأكده ان الي قدامي ما يفهم ايش اقول .

وناااااااسه

مرره من المررات اللي تكررت على مدى ((4))سنواات..! سوينا مساابقه طبخ << بناء على طلب الامهاات

المهم ,, سويناا قرعه وطلعناا فريقيين ((انا وسهى))((سلمى و نهى و زااهيه )) >>>>اعضااء الBlog !!!!!+بنت ثاانيه صديقتناا برضوو..

والامهاات حطوو ميزاانيه للمقااظي ((200))ريال للفريق وبدأنا...

كل وحده رااحت مع فريقهاا مكاان وصكت على نفسهاا عشاان الفريق الثااني ماايسمع..

فريقهم ((متطوور)) دخل ع النت وطلع الاكلات،،،،،،،وانا وسهى من كتب طبخ امي.

المهم وحددناا يوم عشاان نروح السوبر مااركت....وكل شي مااشي تمااااااااام ((الى لآن !!))

قلناا نبغى نرووح بن خلدوون عشاان بنده وعشاان اشياء نبغااها كجزء من التزييين للعرض ((والله ولا عرض ازيااء بباريس))!!خخ

المهم ..

دخلناا السوبر مااركت وبدأت الاحدااث.. رح ابدأ مع الفريق الاول (انا و سهى )):

احناا كنا بنسوي (ستيك)فلازم نااخذ لحم والله ورحناا عند حق اللحم((شاامي))قامت سهى قالت نبغى لحمه ستيك

اقروهااا بالشاامي !!! ((في عنا نوعيين إختي))

سهى:نبغى الاحسن..

تكرم عيينك

بكم الصحن؟

(( صرااحه ماا اذكر السعر بس انو كاان غاالي يعني نص الفلووس اللي عندناا))

قمت انا طاالعت في سهى وجييت بكلمهاا الا اخوناا في الله يقوول لسهى ((فتحت عيوناا )) ماا ادري يتميلح طبعاً سهى انفرطت ظحك

اناا طاالعت فييه كذاا ودي @$@#^&^*&)*^$%@!$!

عااد اناا طنقرت ورحت وخلييتهم ،،الين ماا خلصوو وجاات سهى عندي..

امسكناا بالعربيه وانطلقناا الى السييب الثااني

احناا بالبيت اول مرره قررناا نسوي عصيير بعديين غيرناا رأيناا ((بس اناا ((خاارقه الذكااء))ماا غيرت الوررقه))

والله ونرووح زي المهاابيل وعاادي مااحسينا بشيي اخذناا مكوناات العصير لا وبعد مبسووطين انوو خلصناا نص الاغرااض وبديناا نخلص قبلهم

اناا لا حظت انو في احد قاعد يلاحقناا اناا عاادي قلت اكيد سوبر مااركت فييه نااس كثيير

رحناا السيب اللي بعده الا احس انو في احد

((تعرفو الافلام اللي القااتل يلاحق الضحيه ولماا تلف يمسكلو علبه حليب ولا مكروونه يعنني اقرا الفووائد))

والله شكلو كان زي كذاا بس الف يمسكلوو علبه نيدوو ولا كورن فلكس..اناا طبعاا خفت وعلى طوول قلت لسهى انو فييه واحد......

عااد هي اكبر مني بتسووي يعنني ((لا تلفين +سوي انك عاادي ))واناا تطبيق عملي !!

المهمم شوي الا زاهيه من الفرييق الثااني جاايه عندناا ...تتجسس عليناا عشاان تشووف الاغرااض لان ماا احد يشووف اغرااض الثااني الا في يوم الحفله...

والله وامسكهاا تهزيئ ((خير انشالله هذي الحركاات عييب ))وتجي سهى تكمل البااقي

بعديين كلمت سلمى قلتلهاا تعااالي يا *$%^&$ هذي الحركاات عيب تعاالي خذي زااهيه

والله وجت واخذتهاا .... طبعا انا وسهى استمريينا في السب وانهم غشاشاات ووووو

بعديين رحناا عند الخضاار ((نحتااج بقدوونس)) وانا وسهى ماا نعرف البقدونس من الكزبره

دقينا على عمتيي ((مسكييينه قعدت توصف ........)) بس ماا فهمناا شي المهم والله
والله وترووح اختكم وأسأل وحده مصريه ((لو سمحتي فين البقدوونس))....وارتحناا
وآخر شي كناا نبغى صلصه (باربكيواا) ورحناا اشتريينا المكوناات بعديين وحناا مااريين من عند الصلصاات الجااهزه شفت صلصه جااهزه اخذنااها...............وماا رجعناا المكوناات الي اخذنااهاا
بعديين جا وقت الحلا
نبغى نوتيلا وماا فيه الا حجم كبيير والصغير مااركه ثاانيه عااد شنسوي اخذناا العلبه الكبييره
وآخر شي خلااص خذناا مناديل سفره بيضا وعليهاا وره بنفسجيه وملاعق وشوك بيضاا
وخلااص حااان وقت المحاااااااسبه
كم تتوقعون.......كم .....
(((((((((275))))))))) والله وندفع ،،،،بس لساا بااقي الزي ماا شرينااه
قلناا نرووح محل بأأخر السووق رخييص واشتريناا تيشرتين بنفسجييه.

أما الفرييق الثااني هو صرااحه تظحكني قصته:
بماا انهم اربع <<<((تدرون ليش هم 4 واحنا 2 ))----->لانهم كلهم يعصبوون مناا قال ايش قال مرجووجاات...!!
المهم:
راحو عند البرتقال عشان العصيير سلمى وزاهيه كل وحده جابت برتقاال وكل وحده تبغى تااخذ برتقاالها بعديين تهااوشو وزااهيه طنقرت وجاات عندناا ((يعني لماا جت عندناا مو عشاان تتجسس عليناا جت لانهاا مطنقره منهم)
ورااحو عند الصوياا صوص سلمى مسكت علبه ونهى علبه و البنت علبه
وكل وحده تبغى تاخذ علبتهاا في النهاايه سلمى بما انهاا اكبر وحده في الفريق اخذت علبتهاا وكاان في وااحد بعد يلاحقهم يحسبهم يتهااوشوون عشاان يلفتون النظرر ويشووفهم ...والله ويجي اخوناا ((هذا الرقم اذا تبوون)) .... طبعاا الكلل طنقرو خخخخ <<< مسااكيين
المهم راحو اخر شي عند الملاعق والصحون كل وحده اختاارت لوون وكل وحده تبغى لونها في النهاايه اختاارو الاحمر.

كل فريق يطبخ ببيت عشاان ما احد يعرف اكل الثااني فمريناا على بيت نهى عشاان بيكون فيه فريقهم فنزلوا اكيااسهم ورجعوا عندناا عشان بيناامون ببيتنا،وصلناا البيت وصاار دورنا ننزل اكيااسنا ،،نزلناا الاكيااس وخلاص بعدين كل فريق سكر على نفسو غرفه
انا وسهى سويناا حركاات في اشياائناا بما انها بيضا اخذنا شراايط بنفسجيه وربطناها فيهاا بعدين اخذنا التيشرتاات وكتبناا عليهاا بالألوان
((Dubll SS)) >>>عشان انا اسمي سااره وهي سهى
وسويناا اورااق بالكمبيوتر(استبياان)وكتبناا طبخااتنا علييهاا .. والساعه 3 الفجر خلااص نبغى ننام ..من غباائنا قمناا رميناا الاورااق اللي مانبغااها بالزبااله...وفريقهم الغشاااااااااااااااااااااااااااااااااااااااااااش قرى الورقه وعرف اكلاتناا..عااد انا وسهى طنقرناا ............
اليوم الثااني راحو بيت نهى وفريقناا بدأ الطبخ :بدأنا وكل حاجه تماام جيناا ندور ع الخردل والفرااوله والزبده طلع انونسيناها بالسياره...!! جبناها واستعملناها مع انو كانت بالشمس بس عااادي ولا اهتميناا..
SHOW TIME
اتجمعوو الامهاات وبدأناا احنا بالتحظيراات النهاائيه
وكل وااحد قدم اكله >>>> بصرااحه اكلهم كاان احلى احنا الستيك صاار طووب!! قااااااااااااااااسي
والعصير جبناا سفن اب و ليمون والحلا نوتيلا وفوااكه وهم كان ستايلهم صيني ..
الامهاات سوو لنا مفااجأه كل وحده جاابت لبنتهاا بجاامه كلناا نفس الموديل بس الالوان تختلف يعني كاااااااااان وناااااااسه

سنه حلوا ياجميل

لا تظحك على غيرك على شان مايضحك عليك

مرة من المرات كنا نبي ناخذ عمرة وجاو معانا عيال عمي

احنا (انا و اخواتي )كنا اول مرة ناخذ فيها عمرة

بعدين جينا اثناء الطواف قلت كل الادعيه مابي دعاء الي و انا قلته

ويوم جاء و قت السعي الرجال مفروض يهرولون انا شفت ابوي و و لد عمي يهرولون هرولت معهم بعدين قالو لي اخواتي انو بس الرجال الي يهرولون و انا استغفر الله زهقت يعني قلت كل الادعيه فقلت لنفسي بجلس اتفرج في الناس واشوف واحد مسكين كبير كان في مويه مكبوبه في الارض و هو المسكين زلق فيها و طااااااااااااح انا ظحكت لكن هو ماشافني المهم ويوم خلصنا و كل شئ قالو يلا بنروح و احنا طالعين كان في رجال و زوجته ماشين قدامنا المهم كنا نمشي و ما ادري كيف بغيت اطيح و دخلت يدي على شان ما اطيح بجيب الرجاااااااال الي كان مع زوجته هو مسكين فكرني بسرق منه شئ وانا قمت ادور على شان ما اطيح بعدين الرجال خاف و قام يطالع في بنات عمي لانهم كانو معايا و كانو يظحكووووووووووووون فهو عرف و ابتسم بعدين انا بسرعه قمت وكملت مشي و ابوي و اختي قامو يقولون ليه ما اعتذرتي منه؟..؟

بس انا كنت اضحك و متفشله و في نفس الوقت ابغى ابكي لانو رجلي انجرحت قمت افكر و ايلا لاني ظحكت على الرجال يوم طاح انا طحت

اكييد من بعدها اذا سار شئ ما اضحك من وقتها اضحك بعدها بدقيقه

Happy Birth Day To ME

انا عادة ما أحتفل بعيد ميلادي ولكن بما انني داخله مجال صعب وملئ بالضغوطات (الطب) قررت اني احتفل بيوم ميلادي بس عشان تغيروجمعه مع البنات مو يعني حفله لا بس كيكه واستهبال (وحده تبغى تفرح نفسها) . امي كانت ضد فكره الاحتفال بهذا اليوم فقالت سوي الي تبغيه انا مالي دخل قلت طيب وأنا من قبل اسبوع ناشره الخبر فقلت اكيد رح يسولي مفاجأه :-@ المهم جاء اليوم المنتظر يوم الاربعاء جيت من الجامعه ونمت الى المغرب ولما صحيت قلت بروح اشتري كيكه وشموع يعني استهبال انا كنت بحاجه هذه الحفله لأن اعصابي صارت *##%^$# المهم امي نايمه وابوي برضوا نايم قلت مالي غيراخي العزيز طبعا من كثر ماني واثقه ان اخوي رح يسوي اي شي اطلبه منه دقيت على عمتي وزوجه عمي اناديهم قالت عمتي okبس زوجه عمي اعتذرت قلت مومشكله المهم اني استانس دقيت على اخوي قلت اني ابغى كيك وشموع وووووو عصب وقال انا مشغول ومأقدر انا اتفقت مع اصدقائي وووو انا قفلت السماعه ودخلت غرفتي ودقيت على البنات وقلتلهم مارح اجي ودقيت على عمتي قالتلي مو مشكله انا بكره ازور جدتك (بيت جدي هو مكان الاحتفال) انا هنا خلاص قفلت السماعه واقول لنفسي يعني ولا واحد مهتم ليييييييييييييييييييييه وبدأت ابكي البكاء الي بأصوات ونغمات مختلفه وااااااااااااااااااا وأول مره بحياتي أبكي وباب غرفتي مفتوح ابغى كل الي في البيت يعرفوا. كل مره اتذكر اضحك على نفسي . صارت الساعه 10 دق اخوي عليا
الو سهى شخبارك
وانا : نعم
اخي: ايش فيك
انا :مافيني شي
اخي طيب تيغي تروحي عند بنات عمك
انا : واااااااااااااااااااا اواصل مسيرتي في البكاء
مسكين خاف وقالي والله اسف خلاص بوديك اي مكان تبغينه واقفل مني ودق على عمتي وراح اخذها ودق على امي وابوي واعطاهم محاضره هي مسكينه ومحد مهتم ووووووووووووو وبس
اشترينا الكيكه ورحت عند بنات عمي و وجهي متنفخ من كثر ما بكيت واكلنا الكيكه واحنا نضحك بس احلى شي اليوم الثاني خالي وزوجته ارسلو لي باقه ورد من مدينه جده بتجنن وبسبب اختي ارسلتلهم رساله وقالت لهم ان امس عيد ميلادي .

الشنطة البيضاء

هذي الطنقارة كانت تراكمات عدد من الاحداث اللي صارت في اوقات مختلفة وعشان تسلل الاحداث لازم اذكرها بنفس ترتيبها

اول موقف
قررنا انا واختي انو نشتري عطر وبالمدرسة شميت عطرين مرة عجبوني وقررت اخذهم بالصدفة انو اختي كمان كانت تبغى تشتري زي واحد منهم لانه شمته عند صاحبتها وعجبها لما قلنا لبعض كل وحدة اصرت انها هي اللي تشتري العطر لنفسها .. اشتد الحوار واحتدم .. وكاغلب الحوارات العربية اللي ما منها فايدة .. اتفقنا ال نتفق.. وانو في المحل كل وحدة تحط الثانية تحت الامر الواقع..
::اسمعي انا باشتريه اذا تبغي تقلديني كيفك..
::انا قلت باشتريه اول يعني انت اللي قلدتي..
وكذا الين ما انتهت السالفه انو الاختين عندهم نفس العطر بالزبط
انا شخصيا ما كان يهمني انو انا واياها عندنا نفس الاشياء احس او بالاصح كنت احس انو عادي مش مهم
تمر السنون وتتوالى الاعوام وتنسى السالفة الاولى

ثاني موقف
كان الوقت صيف والناس داخلة على مناسبات وعزايم خصوصا انو هذيك الفترة خطوبة اخوية فكان لازم نلبق اطقم للسهرة وكذا .. نزلنا محل واتشرنا نقلب في اكوام الملابس كل واحد يلبق ويختار ويحوس .. اتوقع هبلنا في اللي يشتغلون هناك بس هذي وظيفتهم .. الموهم اني جمعت بلوزة وتنورة وبودي بالوان كانت مررة مناسبتني .. وحاطتهم على ذراعي ولساتني ادور كمان.. الا تجي اختي..نفس الاخت
:: سلمى عطيني اللي بيدك
:: هه.. خذي
وراحت .. انا دورت كمان زيادة وما حصلت شي.. فقلت خلاص يابنت امشي حاسبي . اروح ادور على اختي.. احصل امي
::شفتي فين سين ؟
:: راحت تحاسب..
:: ايش اخذت
:: طقم حلو انت ليه ما اخذت زي اختك شوفي دورت وحصلت

انا اشوف اختي جاية وانا في حالة ذهول تام .. اختي المصون حفظها الله وراعاها .. اخذت الطقم منن يدي وراحت عند امي وقالت ابغى اشتريه .. عيني عينك

انا اوتوماتيكيا وحتى ما هاوشت ولا علقت رحت اخذت نفس الطقم .. لكن الحمدلله بالوان مختلفة .. وانا مقهورة لانو هذيك هي الالوان اللي انا ابغاها .. عدت السالفة على خير .. ولبسنا وتكشخنا ..

او صح نسيت اللي عند اختي لبسته بس مرة وحدة لانو فجأة ..وبدون سابق انذار.. اكتشفنا عليه بقعة كلوركس ; )...سبحان الله يمهل ولا يهمل
تمر السنون وتتوالى الاعوام وننسى الموقف الثاني

الموقف الثالث وهو بيت القصيد
ندخل محل وتعجبب اختي ( ايوه نفسها) شنطة بيضاء حلوة .. وقالت لي شوفيها حلوه
:: ايوة حلوة
:: بس ما ادري اخذها ولا لا..
انا شفتها راحت نفس مكان الشنط وقلت يمكن راحت ترجعها .. وبعد شوية رحت مكان الشنط والجزم وعجبني صندل مرررة عالي ..مرتفع.. بالاصح ناطحة سحاب بيضاء فقلت لنفسي خلاص انا رح اخذ الصندل والشنطة وهم الاثنين لونهم ابيض.. وخلاص بدات الفكرة تاخذ عقلي لدرجة اني نسيت وممكن تناسيت انو اختي عجبتها الشنطة اول بس كنت احسب انها بطلت منها

المهم اخذت الشنطة ورحت عندهم وقلت باخذ الشنطة
:: لا .. اشبك؟ .. انا قلت عليها اول
:: طيب.. عادي.. مش مشكلة.. نلبس زي بعض ..
:: سلمىىىىىىىىىىىىىىىىى.. بلا استهبال ولحاجه انا باخذ الشنطة وانت استلفيها مني.. ( طبعا انا ما تمشي علي هذي الحركات لانها رح تحط فيها اغراضها واذا فيك خير طلعيها )
:: ما ابغى انا باخذ الشنطة وانت استلفيها مني ..و حتى انا لبقت معها صندل ابيض..
:: مالي دخل.... امي شوفي سلمى
الام:!@#$%&*%$#@!^&)()&&^%%$#@!!@$^&*)(+_)&^^%$#@!$$%!@وكمان جمجمة بس ما اعرف اسويها بالكمبيوتر

انا ركبني ابليس .. اعوذ بالله منه.. خصوصا اني لما حكيت لامي عن الموقف الثاني ما علقت كثير وما هددت ولا توعدت زي كذا


(اوو نسيت شيء .. في نفس اليوم كنت انا توني ماخذه المكافاة وكل ما دخلنا محل وقلنا على شيء الله حلو قلت انا باخذه.. وحصل كم من موقف بس انا ما ركزت اني صايرة كذا )

نعود الى ابليس.. الشنطة باشتريها يعني باشتريها.. علي وعلى اعدائي..

وبالفعل

للمرة الثالثة ..انا واختي نشتري نفس الشيء .. بس الفرق هذي المرة انو هي اللي اختارت اول وانا اللي قلدتها.. لا انا ما قلدتها وانما استوحيت منها..

طنقرت الاخت .. ما تبغى تمشي ولا تبغى تقعد ولا تبغى تتكلم ولا تسكت.. خخخخخخ

جاء الوالد العزيز وركبا في السيارة الرائعة بس سكرنا الابواب ولساتوه قاعد يحرك السيارة
:: اصلا انت دايما كذا تحبين تنكدييييييييين وااااااااااااااااااااااا اهئ اهئ اااااااااااااااااا

قامت تبكي باعلى ملكات صوتها وارتفعت طبقات .. ابويه مهو داري ايش السالفة وعلى البكاء هذا حسب انو تضاربنا .. سوينا فضيحة في السوق
:: ايش فيه ايش اللي صار؟؟
:: ابوووووووووية اهئ اهئ ا الشطنة .ز كلما مسكت شيء اخذته..زاهئ اهئ .. وييييييييييهئ هئ هئ
ابوية لساتو مهو داري ايش السالفة وانا طنقرت يعني شوفو كيف لفت السالفة انو انا اللي غلطانة
طيب ما اكثر من مرة اخذنا زي بعض وما احد زعل اشمعنى هذي المرة ولا عشان هي اللي اختارت اول يصير بكى ودموع واتهزأ ولما انا اختار وتاخذ زيي عادي..
امي شرحت القصة للاب العزيز

ابوية مسكين:: سلمى انا باشتري منك الشنطة
:: لا ما ابغى ااااااااااااااااا اهئ اهئ اهئ
وانا كمان صرت ابكي .. معاي حق لاني كنت مررة مقهورة
:: طيب هي دايما تسوي كذا وما ازعل اشمعنىااااااااا اهئ اهئ..
ابويه وامي انفجعوا .. ابنات يبكون على ايش؟؟ .. مين اللي غلطان؟؟ ..ما هم داريين
:: سلمى رح اشتري منك الشنطة بضعف السعر
:: اهئ اهئ مااا ابغىىىىىى ..
وطول الطريق واحنا نلت ونعجن في السالفة الين ما كل اللي في السيارة طنقروا بعدين قامت اختي الثالثة .. اللي مالها دخل في العير ولا البعير ماادري شطلبت ..وجات على راسهااا
!@#%$%$#@ّ!*&^$%^&#!@ّ@#$%^)*ًٌٌَُ%^$#!
قامت الثالثة تبكي و صارت السيارة تموج بالدموع ..
طبعا احنا ما تهزأنا لاننا كنا اصلا نبكي
اضحك شي اننا كنا رايحين بيت عمي .. ولما وصلنا عندهم دخلنا خشومنا منفخة وعيوننا حمراا من جد كان يفشل وكان جدا واضح اننا كنا نبكي والحلو انو استقبلونا وتغاضوا عن الموضوع ولا سالو شفيكم ما فيكم .. او اي تعليق من اي نوع .. احبهم(قلب وفيه سبعة اسهم هه)

ومن يومها ما عاد شرينا زي بعض ابداا..
... الى الان كل مررة البس الشنطة ابويه يقول لي ..
:: سلمى لا تلبسين هذي الشنطة ما تناسبك..
:: اشمعنى تناسب سين؟؟
:: تناسبها ...بس انتي ما تناسب جسمك..
باقي ان تعرفو انو ابويه ما قد علق على ملابسنا وايش اللي يناسب من اللي لأ ( وجها لوجه )

مستحيل اشيل ببسي لو اموووووووووت

هاااااااااااااااي
كيفكم ؟..؟
انا تماااااااااااااااااااااااااااااااااااااااااااااااام
يلا بقول لكم شئ يضحك مرة
مرة كانت اختي بتتقابل مع صديقتها بالسوق و رحنا
بعدين قالو يلا بناكل و رحنا كل وحدة طلبت وجبه
(كان في الصحن حقي بطاطس و شكن برجر و ببسي)
بعدين و احنا في الطريق على شان نروح نجلس و ناكل
طاح الببسي حقي قدام كل النااااااااااااااااااااااااااااااااااااااااااس
انا طاح و جهي يالله كنت انا بين اختي و صديقتها يعني
بالوسط و انا كملت مشي و اقول لهم لا توقفونم امشو الناس تطالع فينا
انا عيوني كلها دموع ابغى ابكي
بعدين انا و اختي و صديقتها كملنا مشي بس لين قدام شوي و اختي الثانيه و
قفت ونادت العامل علشان يمسحه
طبعا انا جلست اضحك على شان ما ابكي و امي تسألني هي و ام صديقت اختي ايش
الي صار و انا اضحك و عيوني مليانه دموع ابغى ابكي بس استحي
والي خلاني اقول لهم امشو لا توقفون كان في ولد مع اهله
يطالع فينا و انا لفيت يوم طاح ولا هو يطالع فيه
مع انه ماكان يضحك لكن انا انحرجت زيادة
الان خلوني اكمل لكم بعد ما طاح ومسحناه و خلاص جلسنا على شان ناكل
مفروض اكشف وجهي بس وانا من الاحراج كشفت و جهي و شعري و لا امي
تقول لي يابنتي ايش فيك ؟..؟خير وين قاعدين و اختي
تأشر على شعري
قمت على طول غطيته
نسييييييييييييييييييت اصلا ما ادري كيف فكيته
لكن الحمد لله كان شعري ذاك الوقت مرتب
.........................................................................................................................................................................
ومن بعد ذاك اليوم مستحيل اشيل ببسي لو اموووووووووووت

عبااتي

مره من المرات اللي ((مااا احب اتذكرهاا))

كان ايام الشتا وكان امي و اخواتي طالعين السوق....وانا ولاول مرره ما كان لي نفس اطلع <<<وهذا ناتج عن عمليه طنقار اخرى!!

المهم..قلت خلاص بطلع ومن زود الذكاء ((بما اني ما ابغى اطلع ما غيرت ملابسي <<اكبر ترنج في الدولاب وافقع لون ((تركواز))..

وصلنا السوق وكل شي تمام...

جيت بركب الدرج المتحرك ((امي بعدينن اخوااتي))

هماا راحو بعديين حسوا اني مش وراهم..........وين كنت ياترى؟؟؟؟؟
>>>>>>>دخلت عباتي بالدرج المتحرك وعلقت<<<<<<<
انا خلاااص بدت الحاااله عندي ((ما ابغى حد يطالع+ما ابغى حد يسأل+ما ابغى اتكلم مع احد=طنقرت))
المهم..
وقفوا المصعد عشان خلااص شويه وادخل مع العبايه..

راح الهندي عند السكيورتي وانا لسا واقفه..
طبعا بما اني على الدرج في ناس بيطلعوا<<<وهذا اللي قهرني مر اول واحد هو وزوجته مااات من الظحك انا طالعت فيه ودي كذاا ......!!
انا خلاااااص حسيت اني في حمام ساونا! مر ثاني واحد (((شامي)))هو وولده
>>بدك مساعده إختي<<وانا ما رديت قام يسحب شويه فعباتي،،،وانا فخاطري اقول شوفي الفرق بين السعودي وبين هذا المسكيين،، قمت

لفيت عليه وقلتلو خلااص شكرا بعد شويه طل علينا السكيورتي بطلتو البهييه!! و بتحمس قص العبايه ،،،،،،،،،،،انا بس قصهاا قلت لييييييييه..
ومر في بالي(( الترنج اللي لابسته))+((اخواتيي طبعا ما قصروا من الضحك))!!
قمت قعدت وقلت ما ابغى امشي ،،امي ((قومي يابنت بندورلك عباايه))
المهم قعدت وانا خلااص ابغى ارجع البيت
(مر من جنبي بنت صغيره اخذت عقلهاا)!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
بعد شويه جت اختي قالت تعالي الحمام انبدل العبايات((بما اني اطول منهاا<<حركااات))
وانا رحت ورجعت جلست مرره ثانيه .. خلااص ابغى ارجع البيت..
ومن يومها:
صرت بأي درج ارفع عبااتي لين اوصل نص الطريق من الخرعه
وصرت لو ايش مستحيل البس بجامه لما اطلع.............اصلا لحد الحين ما اعرف ليش ما غيرت الترنج هذاك اليوم.

({ناكدة})

كان في اسبوع من الاسابيع ماكان لي نفس اطلع فيه ابدا

واخواتي مع امي كانو يبغون يطلعون قام ابويا يقول اذا انا ما بطلع معهم مابيوديهم و ماوداهم

ومر يومين وكانو يبغون يخرجون وانا نفس الشئ مالي نفس وقلت لابويا طلعهم لانو انا مالي

نفس اطلع و طلعهم ويوم رجعو اخواتي قالو لي احنا طول الوقت من اول ماطلعنا الي الان واحنا نتهزئ و

السبب انتي (الي هيا انا ) ومرت الايوم ممكن بعد ثلاث ايام وقالو يلا كلنا بنطلع قمت انا قلت لا انا ما ابغى قامو اخواتي يقولون لياصلا انتي اسمك مش .................اسمك ({ناكدة }) وقمت انا طنقرت عليهم مدة اسبوع ما اكلمهم ولا اعطيهم وجه وزي كذا

ويوم امي سألتني ايش فيك قلت لها انا ايش اسمي قالت لي ..........................قمت قلت لها اه يعني مش ({ناكدة})

وقامت امي تهاوشهم ويوم هاوشتهم انفكت طنقيرتي ..

هاااااااااااااااااااي

مره من المرات في المدرسه كنا انا وصاحباتي نلعب صيدة

بعدين قمنا نلعب و نلعب لين ماكانت الصياده تلحقني وانا

ماشفت الي قدامي كنت اشوف وراي علشان اذا هي وراي بكمل ركض

اما اذا ماكنت وراي بوقف فجأة ولا اصقع بشئ لين وانا مابعد اشوف وشو فجأه اطالع

الاقي نفسي في بطن الابله

يعني صقعت في بطنها ...ذاك الوقت صار لون وجهي احمر

وصرت لمن اشوف الابله هذي في اي مكان اتغبى والمشكله انها بدرسنا السنه الجايه

تمنيت لو اقدر اسويلها فقدان ذاكرة علشان ماتتذكر السالفه

تمنيت الارض تنشق وتبلعنيي...

مرحباا
في يوم من الايام اللي تونس مرررره بالمدرسه ((والعكس صحيح)) !!
كنت انا وصديقتي قاعدين نتكلم ونحش لين وصلنا عند وحده من بنات الفصل فقالتلي انها تكتب شعر..
،،بعدين في الحصه الاخيره ((البنت قاعده ورايه))،،،المهم التفت عليها وقلتلها
حركااات يا....تكتبين شعر من ورانا؟
قامت البنت قالت لا انا ما اكتب....ومن غبائي في نفس الوقت لفيت على صاحبتي وبأعلى صوت ((يااكذابه ليش تقولينلي انها تكتب شعر؟؟))
انا شفت وجهها ((صديقتي)) زرق وحمر...وقالتلي وكانت بتخرق الصفحه من التحمس..((يا هبلاا قالتلي ما اعلم احد))
انا بس قالت كذا ..........لا تعليق!!
حسيت زي المويه المثلجه انكبت عليا...تفشلتت فشل مو طبيعي طبعا هذا غير التهزيئه اللي اخذتها ..
وبعد كذاا صارت كل ما تقولي شي توضح اذا كان قابل للنشر ولا لأ!!خخخخ

قصتي مع المقص

يوم من الايام كنا مسافرين على جده وهذاك اليوم كانت النكبه المهم رحت عند اختي وقلتلها قصي حواجبي وقالتلي مرح اقص انا الى متى بقعد اسوي حواجبك انتي تعلمي وقعدت ازن ازن لكن ماوافقت . وكان على موعد الرحله ساعتين المهم اخذت المقص وقمت اتفنن شوي واقص واقص واشوف شعر كثير يطيح على يدي المهم قربت من المرايا علشان اشوف حواجبي تتوقعوا ايش صار>>>>>>>>>>>>> قصيت رموشي بدال ما اقص حواجبي .صار شكلي يضحك عيون فيها الرموش طويله والثانيه قصيره خلاص انا قاعده اطالع مومصدقه ايش سويت وريت امي واختي وقتها طنقرت وقلت مرح اسافر وقالوا مش باين مره" الحمدلله انو رموشي موطويله مره "وقامو يرقعوا يقولوا حطي مسكره ,حطيت مسكره صار شكلي يفشل مرره وطنقرت زياده لكن المشكله اناابغى اسافر وسافرت وقلت توبه اقص مره ثانيه لكن الى الحين كل ما اقص حواجبي ا قص كم شعره من رموشي:-)

عادي نتناقش معاكم :-)

في البدايه احب ابدأ أول طنقاره" مش في الحياه طبعا "ولكن اول طنقره في المدونه . كانت البدايه زي اي مجموعه بنات حابين يسهروا مع بعض عند عمتهم اللي هي مين؟ اخت ابوهم لاحظوا وهي متزوجه وعندها بنوته المهم يجي عددنا تقريبا 9 بنات بمختلف الاعمار وكانت الفكره مره حماس وخصوصا ان زوج العمه مسافر وعمتنا نعتبرها زي اختنا الكبيره الى الحين كل شي تمام كل مجموعه قالت لاهلها على الفكره وانوه ان الاهل عباره عن (ام واب) وكل واحد له رايه في الموضوع .الزبده عند مرحلة الأستئذان تباينت الأراء مجموعه الام والاب موافقين ومجموعه الاب متردد والام موافقه ومجموعه الاب موافق بس المشكله في الام فقررنا ان نجتمع عند العمه من الظهر ولما يجي الليل كل مجموعه اخوات تحاول في اهلها وبدأت رحله العذاب>>>>>>>( هنا تخيلوا موسيقى بائسه ومساحات شاسعه من الرمال وبها رمال متحركه التي لا تعلم في اي لحظه ممكن ان تتبتلعك ) جاء المغرب وبدأت دقات القلب تتسارع احنا ماندري اذا بنام ولا لا بعد صلاه العشاء بدت الوجوه تزرق وتصفر والحمام مشغول طول الوقت . الحين في عائله موافقه الطرفين فا بناتهم مرتاحين والعائله الي فيها الاب مش موافق كان " يفكر" ولكن في الاخير وافق يعني جانا الخبر انه موافق الساعه 8 خلاص هانت ما بقي الا المجموعه الي فيها الام مش موافقه وهذه اهم مجموعه في العائله اذا وافقت تمت الخطه واذا ماوفقت كلنا بنرجع البيت هذه سياسه " العائله المتكاتفه" والله يسامحها تخيلوا جت الساعه 12باليل وهي مصره تجي تأخذ بناتها واحنا محنا عارفين نسهر زي الاوادم ولا نطالع فيلم ولا حتى نكمل سالفه . اه نسيت اقول ترى الاباء مجتمعين في هذه الاثناء في استراحه ويتناقشون في الموضوع والله كأننا بنام الشارع في الاخير لما صارت الساعه وحده قالوا خلاص ناموا ماعندنا مانع >>>>>مع تهديدات من بعض الاطراف من الاهل . احنا هذا الوقت خلاص (((((( طنقرنا))))))وتنكدنا راح اليوم واحنا في بنام ولا مابنام . اليوم الثاني لما قابلنا الاهل قالوا انتوا مكبرين الموضوع احنا كنا نتناقش معاكم عادي :@ بس كانت ليله مارح ننسها . وتستمر الطنقره

الراشد

كان احد الايام اللي مفروض انو ننبسط فيها
(1)
رجعت من الجامعة استقبلتني امي :يللا استعدي بنروح مع بنات عمك الراشد نتغدى ونتسوق ... طبعا مرره تحمسنا ويللا بسرعه لانتاخر
المهم تجهزنا وركبنا السيار ة وبدات رحلة الكوارث
بالبداية كان السير طبيعي بعدين قبل ما نوصل بيتهم با شارتين سمعت صوت خبطة و يفتح السواق الباب ويطل ويقفل الباب
بعدين يفتح الباب ويطل ويقفل انا توقعت انو ممكن احد خبط فينا من ورا
امي: ايش فيه ؟
السواق: ما في سي
امي: ايش فيه ؟
السواق: ما فيه سي ..
ولعت الاشارة خضرا ومشينا شويه الا العالم تدق لنا و الناس تاشر مرر جنبنا شايب وقام يصرخ
الموية الموية قفل ac قفل مكيف الموية
احنا عرفنا انو السيارة قاعدة تنزل موية قمنا نقول له جنب بس الاخ مو راضي يقول خلاص نروح البيت شوي ونوصل
قمنا رفعنا اصواتنا اكتر جنب وقفل السيارة فرضخ للامر و جنب وقفل السيارة وقام يطلع منها بخار والحرارة مررة مرتفعه
وبحيرة من المياه تحتنا
اختي قامت تبكي ::: ما ابغى اموت ...لالالالااااا ما ابغى اموت
انكتمي احنا بالشارع :::::لالا ما ابغى اموت الحين
ابويه مو موجود واخواني كل واحد بديرة
قمنا اتصلنا بعمي :: السيارة تعطلت واحنا بنص ...................................
::طيب ..طيب سوبر عمو قادم للنجدة .....
واحنا نستنى سوبر عمو انا عصبت وقلت خلاص رجعونا البيت ما يسوى بعد هذي اللطعة اروح اي مكان
::لا يا سلمى لا تسمحي لموقف صغير زي هذا انو يفسد يومك لازم تتعودي على تجرع المر.. و التمتع بالحياة
::طيب طيب كيفكم
جاء سوبر عمو وانقذنا و توجهنا لبيته...
(2)
وصلنا الراشد
يا ناس مو كان المجمع فاضي .... ليه الساعه كم؟
الساعه 2 ...
المجمع كان شبه خالي من الاوادم الطبيعيين والمحلات مقفلة الا واحد
دخلناه ودرنا فيه ودرنا
ودرنا

ودرنا

اخر شيء بنات ايش رايكم نتغدى ::::ايوة بصوت جماعي

طلعنا فوق كمان

المطاعم مسكرة انا ما ادري من متى المطاعم تسكر بالظهر مو مفروض تكون مفتوحة عشانالناس تتغدى تحطمت كل امالنا يعني الحين شبنسوي
قامت احدانا مشكورة وقالت :: يا إماء الله اعرف مطعما تشد اليه الرحال هيا بنا وباذن الله يكون مفتوح
قلنا معاك

ومشينا من اقصى شرق المجمع الى اقصى غربه في رحلة غضلت منها اقدامنا وعصبت امهاتنا
وصلنا المطعم حلو من برا يعطيك العافية يا امة الله
بس ليش الباب مسكر؟؟
:: لا بس هم يبغو يسوو جو يلا امشي ندخل
و تمسك مقبض الباب و تدفع


لااااااااا المطعم مقفل حسبي الله ونعم الوكيل الحين مجرجرتنا وهذي اخرتها
يلاا نرجع احساسي يقول اخرتها ماكدونالز و #@! فوقه وعدنا نجر ذيول الخيبة
امهاتنا طرطعوا واحنا راجعين شافوا مطعم مفتوح وما ندري الا دخلوا .. ما يعرفوه ولا احد مدحه لهم ولا شيء بس اهم شي نقعد
دخلنا وراهم وشكلو المحل توه فاتح
::: بدي احكيلكن عن طبأنا اليوم بامية بالخضار

نعم مررة ثانية انا تمرمطت عشان اكل بامية بالخضار غيرو غيرو

المهم طلبنا اوصال دجاج وطبأ شاورما وبطاطس وبيبسي

طول الاكل

انا احس لو ما جابو الحين رح اقلب الطاولة واكلها

وصلت الاطباق واستعد الجميع للانقضاض لكن فيه شي


الصحن ما فية غير 5 حبات اوصال دجاج و5 قطع شاورما

كيف؟

رح ناكل بعض الحين

بنات الجود بالموجود كلوا هذا الحين ونطلع من هنا ... لو سمحت الفاتورة

xxx.. نعم.. كيف... ششش .. لا تفشلونا ادفعوا واطلعوا برا نحسب

مغصني بطن مغصة ما انساها صحيح اننا قد اكلنا بمثل هذا المبلغ لكن الاكل كان مشبع يعني 5اوصال و5قطع شاورما ياخي ما تدخل الراس

دفعنا على مضض وتصافقنا نتسابق على الباب

من جد اسوأ غدا ولو اني ماخذه من حبيب القلب مكدونالز وحليت من باسكن وتقهويت من اي مكان كان ابرك


(3)
grand finale
واخيرا بعد عذاب ساعتين صارت الساعة 4 و فتحت المحلات وذهب الليل وطلع الفجر

دخلنا مكتبة جرير بحثا عن مجموعة كتب من زمان انا ادور عليها والحمد لله حصلتها
شيويية الا التلفون يدق :::: الو سلمى يللا انزلو احنا بنروح البيت ابوك اتصل مرررة معصب واحنا بناخذ تاكسي و نرجع البيت
:: نعم ..تاكسي .. ماني رايحه خليه يعصب ..ماني رايحة بتكسي ..طرراخ قفلت الخط بوجهي
انا في هذي اللحظة ارتفع ظغطي و السكر وكان ممكن يطق لي عرق وصرت ما اكلم احد .. اشوفهم مررة مبسوطين ما ابغى انكد عليهم فقررت اني ما اقول لهم وخلي اللي يصير يصير..
ترررن :: سلمى انزلو الحين احنا بنمشي ..
:: طب ليش ما نستنى ونروح كلنا مع عمي ليش نروح بتكسي من الخبر للدمام .. لحالنا..
:: قلت لك ولد عمك بيجي معنا ..
طراااخ للمرة الثانية
انا يتقفل الخط في وجهي مرتين في يوم واحد بل في ساعة واحدة ..يعني هذا اللي كان ناقصني
truly that was the cherry on top of my day
شويه تجي عندي اختي وتكلمني بصوت واطي سلمى امي دقت علي تقول انو بنروح الحين .. لا وبتكسي تقول انو ابوية مرررة معصب .. طب ليه احنا استأذنا منو.. ايش هو حب تحكم وبس.. والله ما اركب تاكسي لو يموتون.. مجنونة اركب تكسي من الخبر للدمام.. كلو من تحت راسك انت السبب..
:: انا شسويت ؟
::امي تقول ابويه معصب عشانك..
:: طيب وخري من قدامي
:: وتقول بناخذ .. معنا وشوفيه امه قالت له و هرب
:: هرب!!
:: يعني اختفى .. توه كان معنا .. بس لما دري بسالفة الروحة قال ما يبغى وراح عشان ما نغصبه..
تروح اختي .. وتجي بنت عمي .. سلمى ايش اللي صار هو انتو ما استأذنتو ..
:: الا بس ما ادري امي تقول ننزل الحين ..
::طيب امشي نشوف شالسالفة..
انا في هذي اللحظه خلص شوية وابكي .. يعني ما ندري ايش سر الانقلاب المفاجئ في الاوضاع والجو خلاص متكهرب
وانا من الاول قلت خل نرجع البيت بس عشان اتعلم اتجرع المر.ز بلا مر بلا #@!..


نزلنا وتجمعنا وحدثت مناورات انتهت كالتالي
تهاوشت انا وامي
تهاوشت انا واختي
تهاوشت اختي وامي
تهاوشوا اخواتي الثنتين

اخر شيء استجمعت قواي و قلت انا باكلم ابوية اشوف ايش السالفة منه
:: الو السلام عليكم ..
:: وعليكم السلام..
:: ابويه انت قلت لازم نرجع البيت الحين ..
:: نعم!!
:: انت اتصلت على امي وكنت مررة معصب.. والحين هي تبغى ترجع البيت حتى لو بتكسي





::: ابدا ما حصل ..
انا كان رح يجيني انهيار عصبي.. يعني كل التعصيب وكل النرفزة كانت على ولا شيء..
ايش اللي صاير ..هذي العائلة كيف تفكر .. ما ادري
قعدنا .. بس خلاص ما عاد اقدر استمتع بشي
رجعنا البيت واستكملت المناورات هنا

انتهى هذا اليوم وانا اقول ما رح انزل اتغدى بالراشد ابدا ابدا ابدا .. والحمدلله بالليل رجعنا كلنا تصالحنا وقعدنا نضحك على الاستهبال اللي صار
ونعيش وناكل غيرها ..