شعبولا ...حبيبي!!

مرحباا،،

اليوم بحكيكم عن عذابــــــــــي و معاناتــــــــــــي مع شعبولا!!،،اول شي بعرفكم عليه بعدين نبدأ..الأسم:شعبولا ،، العمر:اتوقع 6 سنوات ،، الموطن الام:شرق اسياا ،، الاكل المفضل:كاجو

احين نرجع لموضوعناا..

هذا الله يسلمكم انا اكـــــــــره شي بحياااتي هي الحيوانــــــــات بكل انواعهاا ،، اشوفهاا ، اتفرج عليهاا ، بس من بعيد لبعيد لعده اسباب:

1-اني اكرهـــــها 2-لاني اخاف ((ممكن اصرخ او ابكي اي شي اعبر فيه عن مشاعري)) !! خخ

حااولت بكل الطرق اني اتخلص منه واخرعه ومراات والله كان نفسي اموته.

وطبعا كل البيت يموووت عليه ((الا انا طبعا))!! واليوم بحكيكم عن مواقف صارت معي :..

الاول:

مره من المرات كنت راجعه من حفل تخرج ثالث متوسط ومبسوطه وقاعد بالصاله احكي لأخواتي عن الحفله وكان في هدايا واشياء وانا متحمسه قاعده افككهم وشوي اشوف الشغاله جايه من المطبخ و تجري وتحرك ادينهاا طبعاا على طوول احنا حسبناا ان في شي انحرق بالمطبخ شوي الا اشوف السيد شعبولا يطير، اخواتي وامي كلهم((ياااااااي يحليله صار يطير))!! <<فجئه يحليله!!

انا والله ارمي اللي بيدي و طوالي عل الدرج وانا اصرخ وهو الزفت وراي وانا اقولهم الحقووووووووونيييييييي،،يمااااااااااااااه

وهم يقولولي الشرايط الشرايط،،انا قاعده اقول فااضيين((على بالي انهم يقولون تعالي شيلي اغراضك))وانا اقولهم وخروووووووووه

(((الحمد لله ان ابويا مو بالبيت ولا كان جاني تهزيئه على هالصرااخ كله)))،،والله اقرب شي غرفه امي ودخلت وماا صدقت سكرت الباب وقعدت على السرير بعد دقيقتين استوعبت انو فالبلوزه حقتي شراايط من التغليفه هو يبغااها واناا اركض وهو ورااي <<ما ادري على باله العب معه؟!!

الثاني:

والساالفه هذي كلما اتذكرهاا اضحك ضحك مو طبيعي..كنا مره انا وامي قاعدين بالصاله واخوي الكبير ناايم ع الكنبه !! فكنا نتكلم بصوت واطي والبيت هدوء..شوي الا اسمع رفرفه اجنحه متجهه عليا،،شوي الا اشوفه متعلق بشعري ويرفرف انا بس حسيته على طووول

وخررررررررررررروه يماااااااااااااه الحقووووووووووووووني لااااااااااااااااااااااااا وبديت بالبكا <<< !!!

مسكين اخوي نط من الكنبه يقول وينه ؟وينه؟ خخخخخخخ(مسكين علباله احد دخل البيت عليناا).. وسلمى سكرت على نفسها الغرفه تحسب فار (شوفو كل واحد بإيش يفكر)،،بس بعدين امي نادتهاا عشان تمسكه..

وحتى لو ما تعرض لي يترك اثار كأنه يدري اني ماااااااااا احبه

زي مثلا مره كنت بروح اناام شوي كذا وانا جالسه افتح اللحاف الا اشوف شي( اخضر عل ابيض)) يقرف ،، قمت قلت حتى وهو مو معاي يقهرني يعني يطيير بكل البيت وعاادي بس الظاهر سريري حماام للاخ <<< ينرفز

وبالرغم من محاولاتي الكثيره اني اموته الا انو(( ما شاء الله)) متمسك بالحياه ..اصلا لو مات بيصير ببيتنا انهيارات عصبيه وحالات اغماء!خخ

يلا اهم شي انو ماا يقرب مني،، خلاص نصير حبايب..

وسلامتكم.