عادي نتناقش معاكم :-)

في البدايه احب ابدأ أول طنقاره" مش في الحياه طبعا "ولكن اول طنقره في المدونه . كانت البدايه زي اي مجموعه بنات حابين يسهروا مع بعض عند عمتهم اللي هي مين؟ اخت ابوهم لاحظوا وهي متزوجه وعندها بنوته المهم يجي عددنا تقريبا 9 بنات بمختلف الاعمار وكانت الفكره مره حماس وخصوصا ان زوج العمه مسافر وعمتنا نعتبرها زي اختنا الكبيره الى الحين كل شي تمام كل مجموعه قالت لاهلها على الفكره وانوه ان الاهل عباره عن (ام واب) وكل واحد له رايه في الموضوع .الزبده عند مرحلة الأستئذان تباينت الأراء مجموعه الام والاب موافقين ومجموعه الاب متردد والام موافقه ومجموعه الاب موافق بس المشكله في الام فقررنا ان نجتمع عند العمه من الظهر ولما يجي الليل كل مجموعه اخوات تحاول في اهلها وبدأت رحله العذاب>>>>>>>( هنا تخيلوا موسيقى بائسه ومساحات شاسعه من الرمال وبها رمال متحركه التي لا تعلم في اي لحظه ممكن ان تتبتلعك ) جاء المغرب وبدأت دقات القلب تتسارع احنا ماندري اذا بنام ولا لا بعد صلاه العشاء بدت الوجوه تزرق وتصفر والحمام مشغول طول الوقت . الحين في عائله موافقه الطرفين فا بناتهم مرتاحين والعائله الي فيها الاب مش موافق كان " يفكر" ولكن في الاخير وافق يعني جانا الخبر انه موافق الساعه 8 خلاص هانت ما بقي الا المجموعه الي فيها الام مش موافقه وهذه اهم مجموعه في العائله اذا وافقت تمت الخطه واذا ماوفقت كلنا بنرجع البيت هذه سياسه " العائله المتكاتفه" والله يسامحها تخيلوا جت الساعه 12باليل وهي مصره تجي تأخذ بناتها واحنا محنا عارفين نسهر زي الاوادم ولا نطالع فيلم ولا حتى نكمل سالفه . اه نسيت اقول ترى الاباء مجتمعين في هذه الاثناء في استراحه ويتناقشون في الموضوع والله كأننا بنام الشارع في الاخير لما صارت الساعه وحده قالوا خلاص ناموا ماعندنا مانع >>>>>مع تهديدات من بعض الاطراف من الاهل . احنا هذا الوقت خلاص (((((( طنقرنا))))))وتنكدنا راح اليوم واحنا في بنام ولا مابنام . اليوم الثاني لما قابلنا الاهل قالوا انتوا مكبرين الموضوع احنا كنا نتناقش معاكم عادي :@ بس كانت ليله مارح ننسها . وتستمر الطنقره